Залуу зохион бүтээгч.. кк

хүүгийхээ машиныг өөрөө явдаг болгож сайжруулаад.. сонирхолтой хоббитой хүмүүст зориулаад заавар бэлдэв. Дуурайгаад, санаа аваад хийвэл хүүхдээсээ илүү кайф авхаар юм билээ.. кк

Энэ машиныг номингоос авсан юм. Хүүхэд хөлөөрөө жийж явах зориулалттай. 

Эхлээд захаас хэрэг болох зүйлсээ цуглуулна. Үүнд: 

1. Цахилгаан мотор. Өгөөмөр захаас солонгос машины хаалганы шил өргөгчний мотор 5000₮ гээд байгаа. 12в -р ажиллана. 

2. Унадаг дугуйны араа сольдог хэсгийн дамжуулагч араа болон гинж. Эндээс хоёр жижиг арааг нь ашиглах юм. зах дээр 2000 гэсэн байхаа.. гинж нь 1500₮. надаас гинж авч болно шүү. зөндөө илүү гарсан байгаа.

3. 12в ийн аккумлятор. зургий нь авсангүй. доор машинд бэхэлсэн үеийн зураг нь байна. захын гэр ахуйн бараа зардаг байшин дотор баруун хойд захад нь 20000 -р зарж байгаа.

4. Дардаг кноп. аккумулятор зарж байгаа газар байгаа. дарахад нийлээд авахад салдаг кноп тохиромжтой.

5. 12в ийн реле 1ш. 100 айлын жоби -ийн 2 давхарт Өөдөө инженеринг гэдэг лангуунд 3500₮ гэж байгаа. Суурьтай нь авах хэрэгтэй. Уг нь бол релегүй ч хийж болно. Релетэй бол мотор шатах аюулгүй болох юм.

6. Abrosteel гээд цавуу. авто сэлбэг, засварын газрууд, ШТС -д зардаг. хөндлөн зүсээд гартаа чимхэж нухаад нааж, шавж хэрэглэнэ. төмөр шиг хатуу болж хатдаг. A-B цавуу шиг..

Хийх алхам.
1. Машинаа задлаад суурийг гаргасаны дараа мотор маань сууринд ийм байдалтай бэхлэгдэнэ. Ийм байдалтай барьж байгаад моторын голын араа суух хэсгийн харалдаа суурийн доод хэсэгт цоолох байрлалаа тэмдэглэнэ.

 2. Хойд талын дугуйг голтой нь сугалж авсаны дараа дээр тэмдэглэсэн хэсгээр төмрийн хөрөөгөөр эсвэл цаасны хутгаар огтолж авна. энэ хэсэг зурагт үзүүлсэн байдлаар дугуйн голд араа суух юм. Араагаа суулгахдаа цоорхой хэсэгт араагаа барьж байгаад голоо шургуулна. гол араа хоёрыг abrosteel цавуугаар шавж бэхлэнэ. цавуудахаас өмнө цавууны барьцалдааг нэмэхийн тулд арааны их биед нүх гаргаж, дугууны голийг төмрийн хөрөөгөөр хөрөөдөн арзайлгах хэрэгтэй.

 дээрээс нь харахад ийм байдалтай харагдана. цоолох нүхний хэмжээг араанд гинж угласан хойно тээглэхгүй байх хэмжээнд цоолно.

 3. Моторын голд нөгөө жижиг арааг бэхлэх бөгөөд моторын голд хөдөлгөөнгүй бэхлэгдэх ёстой. миний хувьд угсарсаны дараа хий эргэж байсан тул сүүлд нь abrosteel -р шавж хөдөлгөөнгүй болгосон. мөн моторын зурган дээр харагдаж байгаа 3 ш тогтоогчийн нэгэнд нь төмөр бэхлэсэн харагдаж байна. уг төмрийг машины суурийн их биед тогтоох юм.

 4. Моторыг суурийн их биед бэхэлж гинжийг араанд холбоно.

Моторыг зураг дээр харуулсан байдлаар бэхэлсэн. машинаасаа хамаараад янзан бүрээр тогтоож болох юм. ихээхэн цавуу аваад шавцан ч болно доо..

 6. арын дугуйг голд нь хөдөлгөөнгүй бэхлэх ёстой. үүний тулд голыг хөндлөн хөрөөдөж ховил гаргана.

 7. Дугуйнд бас төмрийн хөрөөгөөр хөрөөдөж ховил гаргана. уг ховилд зураг дээр үзүүлсэн хэмжээний төмөр хийх юм. консервны лаазны төмрийг ашиглаж болно.

 8. Дугуйг голд шургуулсаны дараа ийм байдалтай харагдана.

 9. Энэ үед дайсны цэргүүд ажлын байрыг үймүүлж, эрэг боолт залгих, улмаар эрэг боолт дутах аюултай тул анхаарч байх хэрэгтэй.

10. Аккумулятороо бэхлэнэ. миний хувьд амарчлаад скочоор наацан.

11. Жолоонд нь дардаг товчоо бэхлэнэ. Товчны хэмжээгээр өрөмдөж нүх гаргаад боолтоор нь боож тогтооно. Товч тус бүрд 2 шон байх бөгөөд цахилгааны утасыг гагнаж, эсвэл мушгин боож холболт хийнэ. Нийт 4 утас жолооноос гарах ёстой. Энэ машины хувьд урд их гэрэл асаадаг утас жолооноос гарсан байсан тул тэр нүхээр нь давхар шургуулж гаргасан. зураг авхаа мартсан бөлгөө..
12. Цахилгааны монтажийг хийнэ. Релег доод талын зурагт үзүүлсэн байдлаар бэхлэнэ. дараах схемийн дагуу холболтыг хийнэ. Товчлуур 1 -г дарахад урагш, 2 -г дарахад арагш ухрана. Эсвэл эсрэгээрээ байна.

Холболт хийсний дараа

13. Аккумуляторын +, - шонгоос нь нэмэлт утас гаргаж холбогч залгуур холбон их биенээс гадагш гарган орхивол дараа батарейгаа цэнэглэхэд хялбар болох юм. Миний хувьд залгуур олоогүй тул түр орхисон болно.  Ингээд эцэст нь машины дээд хэсгийг буцааж угсраад машин маань бэлэн болно доо. Зураг дээр удирдлагын товчлуур нь улаан, ногоон өнгөтэй харагдаж байна. ногоон нь урагш, улаан нь ухрах товчлуур. Урд гүперний тэндэх төмөрний хувьд хөлийн тавиур гэж бодож хийсэн юм. одоохондоо хөл нь хүрэхгүй байгаа тул авцан л даа.. бас аюултай санагдсан.

14. Туршилт, тохируулга..

Тэгээд өөр өөрсдийхөөрөө уран сэтгэмжээ нэмээд янзан бүрээр хийцгээнэ бизээ.. Амжилт!

Ертөнц тэлж байгаа. Цаашдын ирээдүйд 3 хувилбар байгаа тухай цаг хугацааны товч түүх номноос дэлгэрэнгүй үзэж болно.
1. ертөнц цааш хэзээ нь хумихгүйгээр хязгааргүй тэлнэ.
2. ертөнц цааш хумигдаж нэг цэгт төгсөнө
3. дээрх 2 хувилбарын дундуур тэлэхгүй, хумихгүй тогтвортой тэлнэ. (энэ хэмжээг Чандрасекарын хязгаар гэдэг.. Энэ хязгаараас давбал хязгааргүй тэлнэ, бага бол хумигдана)

 хүний хорвоогийн сайн мууд дээрх шиг хувилбарууд бий.
1. Даян дэлхийд энх тайван тогтож хүн төрлөхтөн байгаль дэлхийдээ амар амгалан орших хүслэнт дэлхий
2. Мөнхийн сөргөлдөөн, дайн дажин, байгалийн сүйрэл, хүн төрлөхтөний мөхөл.
3. Дээрх 2 хувилбарын дундуур. одоо бидний амьдран байгаа сайн муу хосолсон ертөнц.
бид харин Чандрасекарын хязгаарыг давчихаагүй байгаа? 

Тэнгэрт хандав..

Хэлж байгаа чинь надад таалагдахгүй байна. Гэхдээ хэлэх эрхийн чинь төлөө би амиа өгөхөд ч бэлэн. Вольтер.
Үндсэн хуулийг өөрчилж болохгүй, өөрчлөгдөшгүй агуу нандин зүйл, зөрчиж болохгүй ертөнцийн зарчим гэх шахуу л ярьцгаагаад байдаг сан. Уг нь үнэн. Бидний арайх гэж олж авсан ардчилалын зарчимыг тунхагласан болохоор тэр. Иргэд биднийг төрөөс хамгаалж, амьд байх, амьдрах, аюулгүй байх эрхийг минь тэнд л зааж өгсөн. Уг нь ертөнцийн жамаараа араатан гөрөөс амьд байх эрхтэй боловч үндсэн хуулинд заагаагүй учраас бид алж л орхидог. Тэгэхээр яахын аргагүй амин чухал хууль болж таарч байна.
Үүгээр тогтохгүй зарим үед амь наснаас ч илүү үнэ цэнэтэй болдог үзэл бодлыг үндсэн хуулиар л зохицуулдаг. Тэр нь Ардчилсан зарчим. Гэтэл үндсэн хуулийн цэц нь өөрөө үндсэн хуулиа уландаа гишгэвэл яахав? жирийн үед хүн надаас ийм юм асуувал би хэзээ ч тийм юм болохгүй л гэж хариулна.
Гэтэл тийм юм болоод байгааг нүдээрээ хараад ёстой хэлэх ч үггүй болдын байна.
Өнөөх ардчиллалын төлөөх айхтар хүмүүс ингэхэд хаачваа? Ардчилсан ерөнхийлөгч, ардчилсан нам, ардчилсан Монгол ч гэх шиг..


Хэрэв би хэдэн баагий зааланд цуглуулж зургий нь аваад, гарын үсгийг нь хэдэн янзаар баахныг зуруулаад , өөрийгөө намын дарга болгоод баримт бүрдүүлээд өгвөл дээд шүүх зөвшөөрч л орхино. Улс төр байтугай, хэнд ч нөлөөгүй ийм нам байсан байгаагүй ялгаагүй. Иймэрхүү ардчилал Хятад байтугай Хойд солонгост -ч бий. Харин би үнэхээр хүч нөлөөтэй, маш олон дэмжигчтэй, маш олон хүмүүс нэгдэн нийлж нам байгуулаад улс төрд орох гэвэл дээд шүүхийн, манай ардчилалын үнэн царай ил гарна.


Мэдээллийн сайтуудаар энэ талаар бүр таг.. Энхбат гишүүний блогоос л энэ талаар мэдээлэл авч байна. Ганаа судлаачаас өөр дуугарсан хүн байна уу? Өнөөх айхтар нийтлэлчид, сэтгүүлчид ч ялгаагүй амандаа ус балгасан юм шиг таг. харин ч бүр ИЗ-Ногоон намыг баалах шинжтэй..
Гитлерийн тухай нэг кинонд муу хүмүүсийн үйлдлийг зүгээр хараад өнгөрүүлсэн сайн хүмүүсийг буруутгасан байдаг. Бид ийм буруу муу зүйлсийг хүлээн зөвшөөрч болохгүй. сэтгэлдээ эсэргүүцэж байгаа ч юу ч хийхгүй байгаа бол хүлээн зөвшөөрч байгаа хэрэг шүү дээ..

Хааяа УИХ -н тойм үзэж байхад одоохондоо хэрэгжүүлэх боломжгүй гэсэн шалтгаанаар маш чухал хэрэгтэй зарим хуулиуд батлагдахгүй үлддэг. зөв, хэрэгтэй хуулийг батлах л хэрэгтэй. Өөрчлөлт авчрах хүчирхэг хүмүүст тэр л хуулиуд зэвсэг нь болно.

Бэтманы тухай Dark knight гэж кино байдагдаа..
Тэнд Готтам гээд гэмт хэрэгнүүдийн үүр болсон ялзарсан хот гардаг. Тэнд ганцхан шударга, хүчтэй прокурор, ганцхан шударга цагдаагийн дарга 2 гарч ирээд гэмт хэрэгтнүүдийг барьж, хотыг цэвэрлэдэг.
Үнэндээ хэдий ялзарсан хот боловч тэнд шударга шүүх байсан учраас л гэмт хэрэг, шударга бус зүйлтэй тэмцэх боломжтой. Эцэст нь өнөөх шударга прокурор үхсэн учраас гэмт хэрэгтнүүдтэй тэмцэх хууль ёсны аргагүй болдог. Тэгээд бэтман аргагүйн эрхэнд гэмт хэрэгтнүүдтэй хууль бусаар тэмцэхээс өөр аргагүй болно.

Шүүх өөрөө хууль зөрчвөл ер нь хэнд хандах вэ? цэцэд үү? цэц нь үндсэн хуулиа зөрчвөл яах вэ? тэнгэрт хандах уу?

Мухар сүсэг

Миний сүсэг мухар эсэхийг би яаж мэдэх вэ? Мухар биш гэхээрээ яахыг хэлээд байна? 

Хэрэв би одоо Бурханд сунаж мөргөвөл миний энэ сүсэг мухар уу?

Би үнэнхүү сүсэглэж мөргөвөл мухар болох уу? эсвэл бага зэрэг эргэлзэнгүй мөргөвөл мухар болох уу?

твиттер, зарим нэг блогуудаар мухар сүсэг гэсэн шүүмжлэл нилээн сонсож байлаа. Тэгж шүүмжлэгсэд үнэндээ өөрсдөө сүсэггүй хүмүүс байдаг мэт. Ямар ч байсан лам нараас тийм шүүмжлэл сонсож байсангүй. Христ ч тэр, лал ч тэр.. Шашин болоод шүтлэг, сүсгийн талаар ямар ч туршлагагүй, өөрөө үзээгүй байж сүсэгтэн олны итгэл бишрэлийг яаж хэмжээд байна? 

Итгэл гэдэг гойд сонин зүйл. Энэ бол хүч чадал, эрхэм чанар, эхнэрийн маань хэлдэгчлэн хүний дотоод хөгжлийн хэмжүүр болдог аугаа зүйл. Ерөнхийдөө мэдлэгээр дамжин хүнд итгэл бүрэлддэг болхоор ихэнхи хүмүүс итгэл мэдлэг хоёрыг нэг зүйл мэтээр хүлээн авдаг. Итгэдэг зүйлээ мэддэг зүйл шигээ ярьдаг шүү дээ.. 

Бодитоор таньж мэдэх боломжгүй зүйлсийн хувьд итгэлээс өөр сонголт байхгүй. Үнэндээ бид бодитоор юуг танин мэдсэн юм бэ? 

Нийтийн ойлгодог шинжлэх ухаанаар тайлагдаагүй ч ард түмэн бүгд туршлагаараа, ш/у - аас арай өөр арга замаар мэдсэн олон зүйл бий. Хамгийн амьдралд ойр жишээ нь нялх хүүхэд ширгэлэх байна. Ажлыхантайгаа хааяа нэг баар орчихоод гэртээ ирэхэд тэр орой хүү маань зоолттой уйлдаг. Эсвэл жоохон бүтэлгүй, буруу явж байгаа хүн гэрт ирэхэд уйлна. Яаж ч аргадаад дуугай болохгүй уйлаад байгаа хүүхдийг ширгэлэнгүүт өргөс авсан юм шиг л дуугай болоод унтаад өгдөг. Тиймээс ч аль болох баар цэнгээний газраас дөлдөг. Энэ мухар сүсэг мөн үү?

Иймэрхүү зүйлс, бөө болон шашинд Монголчууд маш прагматик ханддаг. Машин эвдэрвэл засварчинд очдог шиг л бүтэлгүй явбал лам дээр очиж засуулдаг. Энд ямар ч мухар зүйл байхгүй. Далд буюу сүнсэн ертөнц маш бодитоор оршин байдаг. Бид мэддэггүй эсвэл мэдэж чадахгүй зүйлээ үгүйсгэж чадахгүй шүү дээ.. Харин ч түүнийг учир мэдэх хүмүүсээс сурч судалж амьдралдаа ашиглаж байгаа нь ухаалаг хэрэг болохоос яавч мухар биш.

Би хувьдаа итгэсэн учраас л байдаг биш байдаг учраас л итгэдэг гэдэгт итгэдэг.

Тэдний шалгуураар бол шашны философи үзэж метафизик судлахгүйгээр, хамаг амьтны төлөө биш хар амиа бодож ном уншуулж засал хийлгэхийг л мухар сүсэг гээд байх шиг.. 

Өөрөөр хэлбэл мухар биш сүсэг нь шашны философи судалж, арга дом, ном уншлага, арц хүж, маань мэгзэм зэрэгт итгэдэггүй хүнийг хэлээд байгаа бололтой. Чухамдаа бол ийм хүмүүсийг л жинхэнэ мухар сүсэгтэн гэлтэй..

Эзэн хичээвэл заяа хичээнэ. Эзэн өөрөө хичээхгүй байж ламаар заяагаа хичээлгэх гээд байгаа нь эзний бүтээлч бус арчаагүй зангийн буруу болохоос эзний сүсэг бишрэл, ламын арга домын буруу биш.

Санаа зөв бол заяа зөв гэдэг. Манай лам нарын хувьд буруу санаатай хүний заяаг нь засахаас илүүтэй санааг нь засдаг бол зүгээрсэн. Чухам үүн дээр л арга болоод хандлага, зорилго нь мухар юм даа.. Харин сүсэг бол яавч мухар биш шүү..

Гэр бүл, улс төр, ядуурал, түгжрээ, утаа гээд пигжирсэн хар стресс дунд байгаа манай сэтгэл зүйчгүй нийгэмд нэг бол бааранд очиж архи уух, эсвэл сүм гандан орох 2 л зам бий шүү дээ.

Ухаантай хүн болж үүнийг буруутгах, бурууг шашин руу, хүмүүсийн сүсэг рүү чихэх нь л мухар юм даа..

ГЕННЕСИЙН НОМОНД НҮЦГЭЛСЭН МОНГОЛ БӨХЧҮҮД гээд жаахан доош хийсэн маягтай нийтлэл уншаад..
Монголчууд геннисийг хүндэтгээд ч юм уу, түүнд багтчих юмсан гэсэндээ том жижиггүй хөөрцөглөсөн хэрэг биш шүүдээ.. Морин хуур, үндэсний бөхийг юнеско -д бүртгүүлэх дуулиан ч ялгаагүй цаагуураа соёлын дайн явагдаад байгаа хэрэг. 
Өвөр Монголчуудын үндэсний соёлоо авч үлдэх гэсэн тэмцэл, тэр соёлыг нь өөртөө нэгтгэн өөрийн болгож харагдуулах, (бүртгүүлэх, хүлээн зөвшөөрүүлэх) гэсэн хятадын бодлогыг няц цохих манай үндэсний соёлын тулаан гэж л харж байна даа.. Бид Монгол үндэсний бөхийг дэлхий дахинд биднийх шүү гэж тунхаглалаа..  Монгол хүн цаанаа л нэг барилдаанч байдаг. ямар ч туранхай хүн том биетэй гадаад хүнтэй барилдаад давдаг. Тэд уначихаад бүр учраа олохгүй гайхаад байдаг..
УИХ -н гишүүдээсээ авхуулаад хүн бүр нь барилдуул барилдчихдаг Монголчууд үндэсний спорт, соёлоо биднийх шүү гэдгээ зангарагтайхан үзүүлээд өгсөн.. тэгээл болоо..

уншаарай

http://dusal.blogmn.net/77272/tand-hurgeh-zahidal.html

Зарим нэг нийтлэл, хүмүүсийн бичсэнийг уншаад хариу өгмөөр аазгай хүрээд явдаг юм..
тэгсэн олон юм бичилтгүй энэ линкийг л тавьчихад болхоор боллоо..
http://ganzorigulziibayar.blogspot.com/2011/09/dialogue.html