Monday, December 22, 2008

ГАЛСАНСҮХ-Д ХЭЛЭХ ЗӨВЛӨГӨӨ

Найзын бичсэн шүлэг

Чамд бурхан, чи хийсэн кино бүхэнд нэжгээд мөнгө гэдэг үг орох ёстой гэж
Чанга дуугаар хэлсэн гэсэн. Чи мөнгө гэсэн үгтэй киног хүмүүс мөн ч их үзэж байна гэсэн
Чамд бурхан, чи зохиосон дуу бүхэнд нэжгээд хайр гэсэн үг орох ёстой гэж
Чанга дуугаар хэлсэн гэсэн. Чи хайр гэсэн үгтэй дууг хүмүүс хамгийн их сонсож байна гэсэн
Чамд бурхан, чи гаргасан зарлал бүхэнд нэжгээд найдвартай гэсэн үг байх ёстой гэж
Чанга дуугаар хэлсэн гэсэн. Чи найдвартай гэсэн зарлал нээрээ хүмүүсийг их залхааж байна гэсэн
Чамд бурхан, чи шилжилтийн үед зовох ёстой гэж
Чанга дуугаар хэлсэн гэсэн. Чи шилжилтийн үе нь юм байлгүй, бүгд л зовж байна гэсэн
Чамд бурхан, чи бичиж байгаа ном бүхэнд жаргал гэсэн үг орох ёстой гэж
Чанга дуугаар хэлсэн гэсэн. Чи жаргал гэсэн үгтэй номыг хүмүүс жигтэйхэн их уншиж байна гэсэн
Чамд бурхан, чи зохиосон хөгжим бүхэнд о ля ля гэсэн аяз байх ёстой гэж
Чанга дуугаар хэлсэн гэсэн. Чи о ля ля гэсэн аяз хүмүүст онцгой таалагдаж байна гэсэн
Чамд бурхан, чи тамхины хайрцаг бүр дээр хортой гэсэн үг байх ёстой гэж
Чанга дуугаар хэлсэн гэсэн. Хортой гэсэн тамхийг хүмүүс хамгийн их татаж байна гэсэн
Чамд бурхан, чи уух архины шил болгон дээр чанартай гэсэн тэмдэг тавь гэж
Чанга дуугаар хэлсэн гэсэн. Чи чанартай гэсэн архийг хүмүүс шил шилээр нь ууж
Чи тэрний хэлсэн бүхнийг бүгдийг биелүүлдэг гэсэн
Галсансүхээ, чамд хэлэх нэг зөвлөгөө байна: -Чи битгий хуцаа!
Д.Нити

Monday, December 15, 2008

Эрмитаж мүзей

Оросын алдарт Эрмитаж музейн виртуал хувилбар


Энэ музейн алдартай зарим зургуудын татаж авах линкийг орууллаа.. (1200х1600)
http://rapidshare.com/files/173374379/State_Hermitage_Museum.part1.rar
http://rapidshare.com/files/173376192/State_Hermitage_Museum.part2.rar

share.gogo.mn -s
http://share.gogo.mn/64667491229372040

Saturday, December 13, 2008

Мэдрэмж.

Юу ч мэдэрдэггүй бол ямрав? компьютер шиг. Мэдлэгтэй, чадвартай хэрнээ юу ч мэдрэхгүй. Хэцүү л санагджийна, зарим нь амар гэх байх. Нэгэнт юу ч мэдрэхгүй болхоор тэр хэцүүг ч эсвэл амрыг нь ч мэдрэхгүй л дээ.. Аниргүй гэдэг шиг л..
Мэдрэмж маань биднийг юманд дуртай болгож хүслийг төрүүлнэ. Юм мэдрэхгүй бол хүсэл төрөх болуу? Буддаг энэ талаас нь тайлбарлаж болох л байх.. Бурхан багшийн сургаал гээд нэг улбар ном байдаг. Зовлонгийн үндэс нь хүсэл, хүсэхгүй байхын тулд мэдрэхгүй байх хэрэгтэй, үүний тулд 5 мэдрэхүйн үүд хаалгыг чандлан сахиваас зохимой.. Тэгээд тэд сайхан мэдрэмж бүхнээс хол явдаг, мэдрэхгүйн тулд ууланд гарч даяан хийдэг. Тэрийг жаахан мушгиул ингэж ойлгож болхоор. Ингэхэд Буддын шашинд жаргалын тухай ярьдаг билүү? санахгүй байх чинь.. Гэгээрэл нь жаргал юм болуу? эсвэл заавал жаргах албагүй ч байж болхын. Эргээд яриандаа оръё.
Тархинд энэ үйлдэл яаж хийгддэгийг мэдэхгүй ч байгалийн зохилдлого, цаанаасаа ийм гэсэн мохоо үгээр хаамааргүй байна.
Компьютерийг хүн гэж төсөөлөөд түүнд хөгжим мэдэрдэг програм бичье. Тодорхой дүрэм зохиогоод тэр нөхцөлийг хангасан аялгуунд "I'm happy!" гэсэн бичиг гаргадаг байг. Энэ мэдрэмж мөн үү? Аяыг өндөр нарийвчлалтай "торгон" мэдэрдэг байг л дээ. Гэсэн ч хангалтгүй. Өөрөөр хэлбэл машинд мэдрэмжийн үр дүнг хүлээн авах субъект алга. Компьютер "өөрт" нь сайхан санагдаж байгаа гэдгийг "өөрөө" мэдэхгүй. Яагаад гэвэл компьютер "өөрөө" байхгүйм чинь. "Миний зохиосон програм л бий". Буддын сургаальд би гэж байхгүй, тэгэхээр миний гэж байхгүй гэхчилэн гардаг. Эндээс нэг марзан гаргалгаа хийвэл Компьютер бол гэгээрсэн бурхан болох нь..
Юм мэдэрч чаддаг, өөрийхөө оршихуйг мэдэрдэг субъекттай байдгаараа бид машинаас ялгаатайн бишүү? Би сэтгэж байна, тиймээс би оршиж байна гэдэг лаг үг ч энд хамаатай.
Миний оршихуйг тодорхойлж буй энэ мэдрэмж гээч асар чухал зүйл юм бишүү?
"Танилц Жо Блэк!" гээд киног бүгд мэдэх байх. Үхэл өөрөө хүний ертөнцтэй танилцахаар ирдэг. Ирэхдээ нэгэн залууг цааш харуулаад биенд нь ордог ба өөрийн аялалдаа хөтөч хийлгэхээр амьдралаа гайхалтай өнгөрүүлсэн нэгэн эрхэмийг сонгоно. Хөтөч нь болсон хөгшин бизнесмэн эр түүнийг хорвоотой танилцуулж эхлэнэ дээ. Үхэл жигнэмэг, самрын тос амсаж үзэхэд түүнд ихэд таалагдана. Улмаар хөтөчийнхөө охиныг ч "амсаж" үзнэ. Тэгээд охинд нь дурлачихаад явахдаа охиныг нь авч явна гэж өвгөнийг сандаргадаг. Эцэст нь Үхэл "өмссөн" залуугийнхаа мэдрэмжинд автаад байгаагаа ухаарч, охин "өөрт" нь биш гаднах залууд нь дурласаныг мэдээд хүний ертөнцийг орхин явна. Явахдаа нөгөө залууг амь оруулж үлдээгээд, анх тохирсоныхоо дагуу өвгөнийг аваад явдаг.

Бид ч гэсэн Үхэл шиг энэ ертөнцтэй танилцахаар ирсийм бишүү? Ирээд янз бүрийн зүйлсийг, сайхан эсвэл муухайг мэдэрч түүнээс хамаараад жаргана эсвэл зовно. Тэгээд нэгэн цагт Үхэл шиг биеэ орхин явна. Биетэйгээ хамт биеэрээ мэдэрсэн бүхнээ, дурсамжаа орхиол явна. Тиймээс ахархан олдох энэ амьдралдаа ахиухан шиг жаргаад авах хэрэгтэйм шиг. Жаргалтай болгодог зүйлс ч хорвоогоор нэг байна дөө. Амтыг нь улам нэмэхийн тулд чихэр биш мэдрэмжээ ихэсгэх талаар урьд нь бичиж байсан. Өмхийг ялаа шиг, цэцгийг эрвээхэй шиг мэдэрдэг бол гайхамшиг биздээ. Мэдрэмж бол хөгждөг зүйл. Тэгээд сэтгэл биеээ мэдэрсэн дурсамж бүхэнтэй нь орхисон хойноо харин юм мэдрэх болуу?
Энэ хүртэл махан биеэр мэдрэх мэдрэмжийг ярилаа. Амьтад ч мэдэрдэг. Тэгээд сайхан зүйлрүү тэмүүлдэг шүү дээ. Тэгвэл сүнс мэдрэх болов уу?
Магадгүй өөр орчин, ертөнцөд л мэдрэгддэг тэр зүйлсийг мэдэрдэг байх. Тэр нь энэ ертөнцийн эгэл мэдрэмжтэй зүйрлэшгүй сайхан болхоор лам нар бүгдийг огоорон гэгээрэх гэж тэмүүлдэг байх. За энэ бол зөвхөн мэдрэмж талаас нь тайлбарлан бодсиймшүү, юүгэж л ийм байв гэж.. Гэхдээ явж явж бусдын төлөө гэсэн, хайр, сайн сайханд хандсан үед төрөх мэдрэмжүүд л хамгийн сайхан нь юмдөө..

Friday, December 12, 2008

Чамайг хайрлахыг зөвшөөрөөч

Энэ айхтар хүн жил хагасын өмнө доорхыг бичиж байж. Эх блог дээрээ байхгүй л дээ.. Нэг газар хадгалагдсаныг нь олзуурхаад аваад ирлээ. Ийм лаг хүний ийм лаг бичлэгийг ганцаараа уншаад жаргаад явах нь хувиа хичээсэн хэрэг болох байлгүй гээд... бас л айхтар гаргалгаа шүү..


Чамайг хайрлахыг зөвшөөрөөч” гэнэ үү, юмтай хүний өгөхийн гайхамшиг биш, ядуу хоосон хүний авахын гуйланчлал нэг ийм дуу сонсож байна....

“Чамайг хайрлахыг надад зөвшөөрөөч” - Энэ бол хайрласан, хайрлах гэсэн хүнээс гарах үг биш. Энэ бол ердөө л хайрлуулах гэсэн, авах гэсэн, өмчлөх гэсэн, эзэмдэх гэсэн хүний үг. Утга, логикийн хувьд нарийвчлах юм бол тойруухан замаар хэлсэн “чамтай унтмаар байна” гэсэн үг шдээ. Харин хүмүүсийн илэрхийлэх арга заль улам нарийсч намайг хайрлаач гэдэг үгийг чамайг хайрлахыг зөвшөөрөөч гэдэг болсон байхийм. Хэхэ,аюултай хэрэг шүү. Тэхдээ намайг хайрлаач гэдгийг бодвол бас бага боловч дэвшил байнаа, маш бага, өнөө цагт тохирохооргүй үхэр тэрэгний, тун урагшгүй хурдтай дэвшил.

Тэр хүний зөвшөөрөлтэйгээр л хайрлаж эхлэх гэж байгаа юм шиг “Хайрлах сан даа”, “хайрламаар байна”, “хайрлахыг зөвшөөрөөч” гэдэг нь хайрлаж чадахгүй байгааг, хайрлаж эхлээч үгүй байгааг, хайр байхгүй байгааг, хайрлах ирээдүй бас байхгүйг илэрхийлж байна. Цаашдаа ч хайрлахгүй, өгөхийг биш, авахыг хүссэн л утга. Зөвхөн тодорхой хувирлын дараа л хайрлаж , хайрыг мэдэрч магадгүй юм, түүнээс биш одоогийн байдлаар ийм дуу дуулжаагаа хүмүүс хайрлаж чадахгүй. Хайр дурлал гэж нэг сайхан шажигнадаг тоглоомоор хүн төрөлхтөн өөрийгөө хуурсаар ирсэн, хүмүүсийн стратеги, тактикийн хувьд ч юм уу ямар нэг өөрчлөлт орж, ирээдүйд энэ төөрөгдлөөс гарцгаах биз, тэхгүй бол хайр , дурлал хэмээх энэ үзэгдлүүдийн аль аль нь анхны утга, зорилгоо гээчихсэн явж байх шиг санагдхийм.

Хайрлаж байгаа хүн бусад хүний зөвшөөрөлтэй, зөвшөөрөлгүй, өөр хүн өөрийг нь хайрлаж байгааг мэдсэн мэдээгүйд санаа зовохгүй, хайрлаж байгааг минь мэдээсэй гэж бодохгүй, тэгэх ямар ч шалтгаангүйгээр хайрладаг. Хариу хүлээхгүйгээр гэсэн үг.

Хайрлах гэдэг зүгээр л ямар ч шалтгаангүй, юуных нь ч төлөө биш хайрлаж байгаа хэрэг бөгөөд, тэхдээ өөр хүнээс, бусдаас эргэж ирэх хариунаас хараат бишээр. Тийм болохоор ирээдүйг сайн сайхнаар, эерэгээр төсөөлбөл, дурлал гэдэг ойлголт бидний мэдэхгүй тун их холын ирээдүйд мөхөж ч магадгүй

Харин энэ зөвшөөрөл хүссэн дуу яг мөн чанартаа бол хайрын тухай дуу биш байна

Өөр нэг зүйл.

Мээдээ: “Нийгэмд байр сууриа эзэлсэн бүсгүйтэй гэрлэнэ” гэсэн юу гэсэн үг вэ? гэж нэг хүүхэд надаас асуусын. Юу гэсэн үг вэ гэхээр нэгтэйгүүр Мээдээд одоо байгаа нэр төр, алдар хүнд, байр суурь хөрөнгө зоорь нь чамлагдаж байна, илүү их юм хэрэгтэй байна гэсэн үг. Хэлсэн үг нь ийм утга илэрхийлж байна, харин өөрөө ухамсартайгаар зориуд ингэж хэлсэн үү гүй юу, мэдэхгүй, за тэгж хэлсэн бол тийм зоригтой хэлж, сайн байна гэхээс өөр үг алга, гэхдээ ба-а-ргал үгүй болвуу. Нөгөөтэйгүүр, Мээдээд хувь хүний зан чанарын хувьд төлөвшиж тогтсон, зохицох чадвартай хариуцлагатай эхнэр хэрэгтэй юм байна гэсэн гаргалгааг өөрийнх нь үгнээс хийж болно. Нийгэмд байр сууриа эзэлнэ гэдэг ямар ч хүнээс зан төлөвүүдийн эерэг тогтолцоог, наад зах нь хувийн зохион байгуулалт, зохицох чадвар, эмх цэгц, сахилга бат, дэг журмыг шаарддаг. Логикийн хувьд нарийн задлан шинжилж үзвэл Мээдээд их ухаантай бүсгүй бол бас хэрэггүй гэдэг нь эндээс их тодорхой харагдаж байнлдаа. Ухаан гэдгийг хүмүүс өөр өөрийнхөөрөө хэмжээл өөртэйгөө дүйцэх эмэгтэй, эрэгтэйтэй гэрлэдэг. Харин жинхэнэ ухаантай эрэгтэйчүүд дандаа жинхэнэ ухаантай эмэгтэйг хайж явдаг, за бааргал олдохгүй дээ, тийм хүн заавал дээд сургууль төгссөн байх ч албагүйшдээ, бүрэн бус дунд боловсрол эзэмшсэн төдий хирнээ төрөлхийн тийм сайхан хүмүүс байх тохиолдол бас байнаа. За энэ ч яахуу, гэхдээ хэрэгцээтэй хүнд нь бол эрээд олддоггүй эрдэнэ, сураад олдоггүй сувд гэсэн үг.

Бас нэгэн зүйл: Найз бүсгүйтэйгээ хоёулаа хоолонд орж байлаа. Тэгсэн холгүйхэн нэг ширээн дээр 2 залуу, за бааргал /жижкен банди нар гэхэд болно/, нэг охин гуруулаа хоол иджийлаа.Тэгсэн нэг нь уг нь өнөө хоёртойгоо л ярьж байх шиг байгаам: “Эмэгтэйчүүд тэр гал тогоо хавиар л байжийх хэрэгтэйшдээ” гэж хэллээ. Магадгүй л юм. Тийм байхыг хүлээн зөвшөөрнө. Ялангуяа үндэслэл, гаргалгаагаа сайн хийж чадах залуу байвал гал тогоонд нь эргэлдэхээс буцахгүй, энэ харин нэгтэйгүүр: их ухаантай үг байж болох юм. Нөгөөтэйгүүр: Тэр банди нээх их ухаантай үг хэлж байгаа гээд өөрийгөө төсөөлчөөд Нана ба түүний найзын анхааралд өртөх гээд байгаамуу, хажуу дахь хоёртоо биш тэнд байгаа гуравдахь, дөрөвдэх этгээдүүдэд зориулаад ярьчихдгийм байна. Энэ үгээ үнэхээр сайн тайлбарлаж батлан хамгаалж чадах этгээд бол ядаж л хэзээ ч ингэж бусдын анхаарлыг татах оролдлого хийхгүй, ийм маягаар амнаасаа сувс унагаахгүй гэдгийг нь эгч нөгөөтэйгүүр нэг юм гадарлалгүй яах вэ.

Дахиад нэг юм: Юм гэхээр өргөн утгатай. Юм гэдэгт их олон зүйл орно, ер нь бүх зүйлийг юм гээд нэрлэчиж болно. Юмгүй хүн өөрийн нөхцөл, байдлаа нуух, юмтай хүн байгаа зүйлээрээ бадрамнаж, сагсуурах хоёр ын хооронд чанарын ялгаа байхгүй. Юмтай хүний бардамнаж хөөрөх сэтгэл нь байгаа юмандаа дасаагүй, дадаагүй хүний сэтгэл зүйг харуулаад байгаа бол юмгүй хүний сэтгэл юмс үзэгдэлд хүлээтэй, шунаж байгааг нь харуулж байгаам. Нөгөөтэйгүүр юмтай хүн юмтайгаа хэлэхээс, мэдүүлэхээс, хэлж ярихаас, харуулахааас ичиж зовсоноос болж даруу загнаж байгаа бол юм нь чадварын хэмжээнд очиж, эзэмшигдэж чадаагүйг бас харуулна. Тэр хэлж байгаа, өнгө аяс, манеер, ЯАЖ гэдэг их чухлаа.

Юмс яаж гэдэгтээ л яг байгаагаараа үзэгдхийм даа.
2007-05-06

Saturday, December 6, 2008

Photo

Хэдэн жилийн өмнө Мөрөөдөл зусланд ажиллаж байв. Гайхалтай сайхан газар. Тэгээд хэдэн зураг дарснаа сонирхуулж байна. Сонирхогчийн аппарат-р дарсын..
Өглөө болгон манан хөшилдсөн газар. Заримдаа үүлэн дээр гарчаа юу гэмээр л..


Хувхай модон дээр таван турлиахх..

Томоор харах бол дээр нь дараарай

энэ модны зөвхөн ёроол нь гарчээ. Доор нь ходоодны рашаан.

зуслан, амралтын газар




Энд эхийн ачийг амархан хариулна даа. Ээжид цай хоол байтугай усанд оруулсан ч болхоор шүүдэр унадын..


тэр уулын оройд байгаа саравч гоё харагдаад байдын. \\\\






энэ дор гялалзаад байгаа шүүдэр шүү дээ.. хөл нүцгэлээд гүймээр..


Энэ харин их сонин амьтан. Эрвээхэйн шинэ төрөл нээчээгүй байгаада..

тэгжугаад сонирхогчийн аппаратаар зураг дарах тухай зөвлөгөө оруулнаа..

Saturday, November 29, 2008

Хөгжим

Хөгжим яагаад ийм ... байдгийм болоо? ... -н оронд тохирох гайхамшигт сайхан үгсээ өөрсдийнхөөрөө бодоод олцгоогоорой. Бичсэн үг болгон маань гологдоод байхын. Хоол шиг л хэзээ ч уйдаж залхамгүй насан туршдаа мэдрэх таашаал минь. Уул нь бол агаарын молекулын долгилсон хөдөлгөөн дамжин ирж миний хэнгэрэгийг нүдээд, хэнгэрэг маань алх дөшийг чичргээд, алхных нь иш бөөн мэдрэлийн эсүүдэд хүрээд, мэдрэлийн эс тэрийг нь тархины сонсголын хэсэгт дамжуулж байгаа л үйлдэл. Тэгсэн мөртлөө яагаад зарим чичиргээ нь тийм гэхийн аргагүй үлэмжийн сайхан, зарим нь тийм муухай байдгийн болоо? Гоо сайхныг угаасаа л тийм байхаар бүтээсийн болуу? Тархины чимээ мэдэрдэг хэсгийн ажиллах зарчимыг олхысон. Тэгвэл тэр дүрмээр ажилладаг ая зохиогч програм бичкү юү.. дурын өнгө өгөнгүүт түүнээс хамаарсан боломжит сайхан аялгуунуудыг гаргадаг. Одоохондоо судлахад хэцүү ч муухай, сайхан аянуудын хооронд ерөнхий дүрмийн ялгаа байж л таарна. Маш сайхан аялгууны дундах хэдхэн нотны байрыг сольчиход л нэг л биш сонсогддог шүү дээ. Би хувьдаа аялгууг 2 ангилдын. Угаасаа л сайхан аялгуу, нөгөөх нь дасаж сайхан болдог аялгуу гэж.. Тархи ч угаасаа ойлгомжгүй эрхтэн л дээ.. мэдээллийг хэрхэн хадгалдаг энэ тэр гээд.. жишээ нь дүрс, дуу байна.. компьютер бол ямар ч мэдээллийг тоон хэлбэрт хувиргаал, тоогоо 2 тийн тооллийн системд хөрвүүлээд хүснэгтэнд өрчихнө. Гэтэл тархи?
Би аялгууг санаад байдаг. Гэтэл яаж санаад байгаагаа, тэр санасан аялгуу хаанаас гарч ирээд байгааг мэдрэх байтугай төсөөлж ч чадахгүй юм. Дээрх ангилалын хувьд угаасаа л сайхан аялгуу бол ойлгомжтой. Шууд, анх сонсоход л гайхалтай сайхан санагдана. Үе үеийхэн сонсох дуртай сайхан дуунууд байдаг даа.. 60, 70 - д оны гээл, оросын, английн гээл.. Тэгээд сонгодог хөгжим. Ийм аянууд сонсоод л цээжлэгдчихдэг.
Дасаж сонсдог аялгууны хувьд 2 ба түүнээс дээш сонсож байж дажгүй санагдана, тэгээд ая цээжлэгдэхийн хэрээр гоё санагдаж эхэлдэг. Зохиолын дуу үздэггүй нэг дүү маань зохиолын дууны ганц кассеттай хөдөө сар болохдоо дуртай болчоод ирсиймдаг.
Олон нийт мэдэхгүй сонгодог зохиолууд ч бас тиймэрхүү байдаг. Ө/х аялгууг хөгжим бүрийн дуугаралтаар цээжилсний дараа л гайхалтай сайхан санагддаг.
Мэдээж дан ганц аялгуунаас гадна хөгжмийн дуугаралт, бусад хөгжимтэй хоршсон зохицол нь аялгууг сайхан болгож таарна. Энд харин онол байдаг. Ямар өнгө ямар өнгөтэй нийцдэг гэх мэт.. ер нь бодоод байхад аливаа ая тоглох хөгжимийн тоо нэгээр нэмэгдэхэд бараг 2 дахин сайхан болдог байхшүү.. мэдээж хөгжим бүр ялгаатай ая тоглож нэг бүхэл аялгууг бүтээнэ...

Ууг нь Чайковскийн Төгөлдөр хуурийн концертыг бичих гэсийн. Оршил маань ихдээд байгаа тул тасалж бичхээр шийдлээ..

Friday, November 28, 2008

Том хүний ухамсрыг бүү чөлөөл

Матрикс кинон дээр ингэж гардаг. Учир нь ухамсар сэтгэлгээ нь хэдийн төлөвшчихсөн том хүнд үнэнийг хэлж болдоггүй. Тийм хүмүүс байгаа байдалдаа хэт зууралдсан, салж чаддаггүй, ухамсар нь яг тийм байхаар төлөвшөөд хөдлөшгүй, өөр зүйлийг хүлээж авах чадваргүй болсон байдаг. Тэгээд үнэнийг ойлгуулах гэж оролдвол хуучин тогтолцоогоо хамгаалан эсэргүүцдэг.. Киноны хувьд кибер ертөнцөд түүнийгээ бодит ертөнц гэж итгэн амьдардаг хүмүүсийг сэрээж жинхэнэ бодит ертөнц болох сүйрсэн дэлхийн үнэнийг таниулах тухайд ярьдагч энэ нь бидний хувьд ялгаагүй юм. Бүх л итгэл үнэмшил нь болсон нийгмийн тогтоц болоод амьдралын үзэл нь ердөө л суртал, тархи угаалт байсныг хүлээн зөвшөөрсөн коммунист ховор шүү дээ..
Одоо манай нийгмийн хамаг чөдөр тушаа мэт санагддаг өмнөх нийгэмд ухамсар, сэтгэлгээ нь төлөвшсөн хүмүүсийг өөрчлөх ч бүтэшгүй зүйл байх. Баабарын хэлдгээр хүлээхээс өөр замгүй. кк
Өмнө орсон мэдлэг тархинд суусны дараа тархи тэр мэдлэгийн дүрмээр өөрийн эрхгүй сэтгэж эхэлдэг. Тэгээд тэр мэдлэгийн дүрмээр
дараа нь орсон мэдлэгийг ангилж, задалж ойлгох гэдэг. Угаасаа ч тархины ажиллах зарчим байх л дөө. Эхлээд хэл сурна, дараа нь юмсыг тэрхүү хэлэндээ тусгаж ойлгоно. Хэрэв шинэ орсон мэдлэг нь өмнөх мэдлэгтэй зөрчилдвөл аль логиктой, үнэн гэж итгэсэнээ авч үлдээд нөгөөхийг орхино. Үнэн нь өөрөө их сонин ойлголтоо..
Хүүхдийн хувьд мэдлэгийг ингэж нөгөөгөөр солих үйлдэл амархөөн хийгддэг. Өвлийн өвгөн бэлэг авчирдаг гэх мэдлэг бодитоор харагдах өвлийн өвгөн, бэлэг хоёроор хангалттай батлагдана. Том болохын хэрээр өвлийн өвгөн байхгүй гэсэн мэдлэг өмнөх мэдлэгээр солигдоно. Тархин дахь мэдлэг солигдох явцад тогтож үлдсэн мэдлэг хуримтлагдаж дагтаршаад тэрхүү мэдлэг, сэтгэлгээний хэв маяг тархинд нь бүр мөсөн тогтож үзэл бодол нь болно. Тэгээд тогтсон үзэл бодлыг өөрчлөх гэж оролдох нь тархийг сүрхий хямралд оруулдаг болохоор шаардлага гарсан ч аль болох зөнгөөр нь байлгах нь дээр ч юм шиг. Үүнийг тархи угаалт ч гэдэг. (Багаас нь удаанаар хийхийг хүмүүжүүлэх гэнэ. кк)
Нэгэнт зарчим ийм болхоор бид ч ялгаагүй тэдний оронд байсан бол адилхан л "Би юу ч болжээсон хувьсгалт намдаан өгнөө.." гэцэн явжаах биз.
Үзэл бодол, итгэл үнэмшилдээ үнэнч байх гэдэг нэг талаар эрхэм сайн чанар байж магадгүй. Гэхдээ огт хөдөлшгүй тогтонги, үзэл санаандаа баригдмал байдлыг ухаалаг гэхгүй л байх. Хүн аливаа зүйлд итгэх хэрээрээ тэр зүйлээсээ хамааралтай болдог болохоор эрх чөлөөт оюун бодолтой, үүнийгээ эрхэмлэдэг хүн алив зүйлд хэт итгэдэггүй ч юмшиг (уншлуу? бодлуу?). Нөгөө талаар хэт итгэлгүй байдал бас дэмий зүйл шиг санагддын. Баригдмал сэтгэлгээтэй, бодит орчинтойгоо тас зууралдсан хүмүүст дургүй болохоор өсвөр наснаасаа иймэрхүү зүйлд мэдрэг байсын байлгүй, эртнээс сэтгэлгээ оюун бодлоо аль болох чөлөөтэй уяан хатан байлгахсан гэж хичээдэг байлаа. Ядаж л итгэх үнэнийхээ шалгуурт хамгийн түрүүн логикыг тавина. Бас хэлж ярьсан үгээ ямар мэдлэгээс, ямар байдлаар гаргаж авснаа анзаарч байхыг хичээнэ дээ. Эцэст нь санааг минь гүйцээгээд хэлчихсэн Марк Твен-ий үгийг ишлэе дээ:
"- Халуун пийшин дээр суусан муур дахиж хэзээ ч халуун пийшин дээр суудаггүй, хүйтэн дээр ч гэсэн..."

Thursday, November 27, 2008

Таньдаг ном буюу Бражелоны бээл..

Уран зохиолын урьд нь уншаагүй шинэ ном их төвөгтэй санагддаг болчихож. Түүн дээр гардаг бүх дүрүүдтэй нь, орчинтой нь, болоод байгаа үйл явдлуудтай нь шинээр танилцах хэрэг гарна. Нэрүүдийг хольж солино. Шинэ ангид шилжиж ирсэн юм шиг л ярих хүн олдохгүй, бүх зүйл шинэ. Дотно найз биш бол ойрд уулзаагүй хүнтэй ярих зүйл олдохгүй хэцүү байдаг даа. Хүнтэй харилцах, танилцах гэж өөрөөсөө их хүч гаргадаг надад шинэ танилуудтай харилцах нэг талаар төвөгтэй санагддын.

А.Дюма -н "Шадар 3 цэрэг", "Хорин жилийн хойно" миний хамгийн дуртай номнууд юм. Хөгжилтэй, үнэнч сэтгэл, авхаалж самбаа гээл, хамгийн гол нь анд нөхдийн тухай, нөхөрлөлийн тухай болохоор тэр байх. Ер нь нөхөрлөлийн тухай гардаг ном ховорхон байхаа. Номоо уншиж дуусахын хэрээр хайран санагдаад сүүлийн хэдхэн хуудсийг ховрын цагт шоколадны цаас долоож байгаам шиг л уншдагсан. Одоо бол тэгж сэтгэл дэврэн, адгаж унших юмгүй болчихож. Харамсмаар.
Тийм болохоор жилийн өмнө эдний үргэлжлэл болох "10 жилийн дараа буюу Бражелоны бээл" -г олж хараад туйлгүй баярласан гэж.. яг бага насандаа очсон юм шиг, номоо авчаад бөөн догдлол, хуудсыг нээнгүүт уулзалгүй удсан эртны танилууд. Атос, Арамис, Портос, Д'Артанъяан, Рауль ... "Төмөр багтай хүн" хэмээх Леонардо ди Каприогийн ихэр ханхүү болж тоглодог кино байдагдаа. Тэрийг үзсэнээс хойш 20 -н жилийн хойно -н үргэлжлэл бий байх гэж битүүхэн харж явсан юм. Бяцхан Луй XIV өсч том болон хаан ширээг залгамжилж, Их хамба Мазарини нас нөгчинө. Ахмад цолоо алдсан дэслэгч Д'Артанъяан баяжихаар шийдэн анд Портостой хамтарч, Атос Арамисын хамт цаазлуулсан Английн хаан Карлын хүүг хаан ширээнд суухад нь туслана...
Сүүлд дэлхийн шилдэг гэгдсэн, нобелийн шагналтнуудын зохиолыг уншаад над нээх онц санагдаагүй л юмдаг. Орчуулга этр нөлөөлсөн байх л даа. Эсвэл миний шалгуур ондоо байх. Ер нь манайхны сонгодог гэгддэг англи, америк, францын номнууд цаанаа л нэг гоёоо.. гэгээлэг.. Тэгээд Бражелон бээлийг уншиж дуусчаад дахин ийм багын мэдрэмжийг ховорхон амсах байхдаа гээд санааширч суутал "Бражелон бээл" -н 2 -р дэвтэр нь гарчээ. Дахиад бөөн баяр. 10 жилийн хойно буюу Бражелон бээл" номыг 3 -н дэвтэр болгон тасалж гаргаж байгаа бөгөөд удахгүй 3 -р дэвтэр нь гарах юм байна. Дээр өгүүлсэн "Төмөр багтай хүн" киноны үйл явц ерөнхийдөө гарна. Гэхдээ яг тийм биш л дээ.. мэдээж кино юм чинь эх зохиолы нь найруулагч нь өөрийн болгоо хаячаа биз.. Гэсэн ч энэ таньдаг кино. Дээхний оросын хийсэн олон ангит кино ч гэсэн. Шал өөр танил дотно санагдаа явчина.
Одоо нээрээ уран зохиолын ном унших гэхээр ер явахаа байжээ. Блог уншсаар байгаад тэгчээгүй байгаадаа.. кк

Friday, October 24, 2008

Гоё бичлэг

Түмээгийн блогноос чухам нэг сайхан бичлэг үзээд сэтгэл тэнийгээд гоё байхчив.. Та бүхэн орж сонирхоорой.

Thursday, October 2, 2008

Tuesday, September 16, 2008

Playlist-1

Нийтлэг байдаг дуунуудыг алгаслаа..
lounge, chill, electro, Downtempo, ambient, acoustic ангилалд нь ордын байна дуртай хөгжимүүд маань.
FatboySlim, The Chemical Brothers -г орхилоо, эсвэл тусад нь гээд үлдээчий.
1. Fierce Angel - Angel Falls I(2007), II (2008)
Маш гоё цомог. Энэ жанрын шилдэг бүтээлийн цуглуулга юмдөө. Ер нь Fierce Angel их дажгүй юмшигээ, транс сонирхдогууд нь ороод үзээрэй. Тэр талруу би сайн мэдкү.
Дээжээс нь:
Angel Falls I
Starlight - Chris Coco & Sascha Puttnam Feat. Cathy Batistessa
Underneath The Same Sun - Mooli
Angel Falls II
The Sea - Morcheeba

2. Air Бас л гоё. Нэлээн хэдэн цомог байдгаас хамгийн таалагдсан нь Moon safary.
La Femme DArgent - Air
JAi Dormi Sous LEau (Live BBC 1998) - Air
Ер нь басс гитарын гоё тоглолттой дуу, хөгжимд ихэд таалагддын.
жишээ нь..
Cry Baby - Spiller
3. Music Department (2008) гээд гоё цомог байна.

Dakkaragada - Trevira Modern
За даа, lounge биш өөр жанр болоод явчлаа.. цааш нь..

4. Chris Josh
Superman theme:
Superman Theme - Chris Joss
Luna Rides Back - chris joss
Chris Josh юм чинь дараагийх нь David holmes.

5. David holmes - Ocean's 13 киноны хөгжимүүд л дээ..

Laptops - David Holmes
Ер нь ocean's 11, 12, 13 -н хөгжимүүд их гоё, хөнгөхөн, хөгжилтэй, шуудхан, хэнэггүй маягийн, киноныхоо стилд таарцан. Ганц нэг хөгжимийг нь оруулчий.
165 Million Plus Interest (Into)The Round Up - Various Artists
6. alphawezen - comme vous voulez (2007)
days - alphawezen
7. Ratatat - LP3

Shiller - Ratatat
Falcon Jab - Ratatat
сүүлд нь нэг дуу оруулчий даа.. дээгүүр дан хөгжим болчиж..

Sunrise (Album Version) - Simply Red
дараа rock, indie жанрын нийтэд мэдэгдээгүй, дажгүй цомгууд тавьнаа. Альваа цомогт 1-2 дуу л хамгийн дажгүй мэт санагддаг бол дээрх цомгуудаас орхих дуу байдгүйн..
жич: татах линкүүдийг комментоос үзнэ үү.

Жил-Был Пес

Ёстой хөөрхөн кино. Ийм мундаг олон шагнал авсныг нь мэдээгүйн байна. Арайх гэж л оллоо.

Бременские музыканты

Песенка бременских музыкантов



дээхнэ үеийн оросын күүкэлдэйнүүд гоё шүү..

Tuesday, August 26, 2008

?

Та боддогуу? эсвэл бодлууд бодогддог уу?

Tuesday, August 19, 2008

Tuesday, July 15, 2008

* * *

Ариун сэтгэл дор тэнцэх хүмүүн үгүй
Аглаг хүүдийг бээр хэн олж мэдмүй
Адилхан ухаантаа олж учрахын урьд
Аялгуу эгшгийг гагц өөрөө ухмуй..

Инжинааш

Friday, June 27, 2008

Сонгууль

Улс төрийн амьтныхаа хувьд хэдэн юм хэлмээр санагдаад...
Өчигдрийн мэтгэлцээнийг үзсэн, ардчилал амтагдаад аятайхан л санагдаж байлаа.
Энэ удаагийнх хүнээ харсан сонгууль болох бололтой. Шударга ёсыг үгүйлснийх байх л даа. Увайгүй, зарчимгүй, ойрхон бодолтой хүмүүс биднийг ингэтэл хашраажээ. Нийгэм эдийн засгийн бодлого, үзэл баримтлалаас нь илүү тэр хүний шударга үнэнч зан нь чухал байна. Өөрөөр хэлбэл сонголт хийх шалгуур нь эхлээд шударга, сайн хүн байх, дараа нь чадвар, нэр хүнд, нам гэх мэт. Мөрийн хөтөлбөр, үзэл баримтлал ба улс төрийн бодлого бол нэлээн хойгуур орох шалгуур болж байх шиг. Шударга ёс уул нь их тодорхойгүй ойлголт гэсэн баабарын нийтлэл ч байдаг. Бүгдэд тэгш хандахын нэр угаасаа биш. Өө харсан хүнд шударга юм ховорхон шүүдээ. Эцэг эхийн хайр, хувь заяа, бурхны хувиарлалт ч шударга биш санагдах нь бий. Улс төрчдөөс ийм зүйлийг хүссэнээс зарчимдаа үнэнч байхыг хүссэн нь л дээр санагдхийн.
Манайханыг эгдүүцүүлж байгаа нэг юм нь сурталчилгаа. Нэгэнт л болоод өнгөрөхөөс хойш, улс орноороо 4 жилд ганцхан болдог юм чинь хий бухимдалгүй, хүмүүсийг шинжээд дүгнэлт хийгээд, Монгол орон, ардчилсан нийгмийн эзэн гэдгээ мэдрээд явбал кайф л баймаарийн.. ядаж л сонирхолтой шд.. хүнийг сонжиж, танина гэдэг. Бүр очиж судлах ч шаардлагагүй, өөрсдөө авчраад өгчихөж байна. Би үүд хүртэл алхахад л болоо. Ийм амархан.
Нэр дэвшигчид муухай санагдах нь аргагүй. Мэдээж өөрийгөө магтана гэдэг ямар олиг байхав. Ямар муулалтай нь биш. Сонгогдохын тулд ингэхээс өөр аргагүй юм чинь. Угаасаа өөрийгөө магтаж, бусдыг муулж буй хүн яаж л сайхан санагдахав. Гээд яахав дээ, ялагдалтай нь биш. Даруухан царайлаад зарчим яриад ялагдсан Баабарын жишээ ч байна.
Эрдэнийн хувь, хишиг гэсэн мөнгө амалсан мөрийн хөтөлбөр бол надаа их л сайхан санаа, дажгүй мөрийн хөтөлбөр санагдахийн.. Гэвч хүн бүр миний бодож буйгаар хүлээж аваагүй байх л даа.
Нөгөө талаас нь бодвол бид бодит байдлаа ойлгож, хүлээн зөвшөөрөх хэрэгтэй санагдана. Хэрэв би үнэхээр сонгогдохыг хүсвэл мөнгө амлахаас өөр аргагүй, өөр яахымбэ? Тэгээгүйн төлөө ухамсартай, юм ойлгодог, боломжийн амьдралтай цөөнхийн дэмжлэгийг хүлээх л байх, тэглээ гээд гарахгүй шд..
Тэгэхээр дэвшигч өөрөө дургүй байсан ч хамаагүй мөнгө амална. Бодит байдал маань л энэ. Нийгмийн ухамсар, улс төрийн боловсрол, сэтгэлгээ.
Эсвэл иргэдээ баяжуулах учиртай бодлогоо ядаж л мөнгө өгөх гэж байгаа юмшиг сонсогдохуйц сурталчилна.
Харин тэр нийтээр нь харлуулан гутаах, гэхдээ хөгийн гэмээр шалгуурын дагуу муулах явдал тэсвэрлэшгүй санагддаг юм. 76 -н тэнэг, бүх улс төрчид луйварчин, аа наадах чинь шаал худлаа, Ардчилсан нам, Ху- нам бүгд авилгачид гэх мэт.. портал сайтуудын сэтгэгдлүүд шиг.. тэрийг хэдхэн хүн бичдэг гэж л найддын..
увайгүй тэнэг улс төрчид байгаа л даа.. тэд харин жинхэнэ улс төрийн "амьтан" байхшүү. Болдогсон бол бүх нийтэд Фрийдман -н "Хувь заяагаа сонгох нь", Фүкүяма "Түүхийн төгсгөл, сүүлчийн хүн", Сато "Капиталын нууц" зэргийг уншуулахсан. Ард түмнээ байг, ядаж улс төрчдөд уншуулахсан.

Маргааш сонгууль. Бүгдээрээ очиж санаа өгцгөөе..

Та бидний сонголт мэргэн байх болтугай! Монгол орон мандан бадартугай! Энхтайван мандтугай! Ардчилал мандтугай! Ура!

Wednesday, June 25, 2008

* * *

диваажингийн хүмүүс хошин шогийн мэдрэмжгүй..

Monday, June 23, 2008

* * *

хайр хамгийн агуу аз жаргалыг мэдрүүлдэг хүчээрээ хамгийн хэцүү зовлон шаналалыг мэдрүүлэх юм даа..

төлбөр нь үү?

Saturday, June 14, 2008

* * *

Баянтай суужээ
Баасан дээрх өт мэт жаргалтай

Monday, June 9, 2008

Эх орны тухай дуу

Дэлгэр Монгол орноо
Магтаж бид нар дуулахдаа
Тэнэгэр сайхан жаргалаа
Бахдаж заавал оруулдаг

Амьдралын хамаг жаргал нь
Эрх чөлөөндөө байдаг
Аливаа тэр чухлы нь
Ард бид нар эдэлдэг

Хөдөө тал минь малаар дүүрэн
Хөвч ой минь ангаар бүрэн
Хөрсөн доор нь эрднээр арвин
Хүний хэрэгцээ цөм багтсан

Яндаж болдоггүй далай шиг
Яасан баян нутаг вэ
Ямар их хувь заяагаар
Бид нар эзэн нь болж төрөв.

хамгийн дуртай дуу минь.. айлын найранд, архины дугараанд, караокед дуулахаас харам төрдөг эрхэм дуу минь.. ямар азаар Халуун элгэн нутаг шиг зууны дуугаар шалгарч улиг болчихоогүй юм. Тэгсэн бол эрхэм дуу минь намайг бишрүүлдэг үнэ цэнээ бүх нийтэд цацчихгүй юу..

Шүлгэнд нь дандаа дуртай үгнүүд минь..

Ямар их хувь заяагаар
Бид нар эзэн болж төрөвөө!

Wednesday, May 21, 2008

Бурхан халдун

Далай Их Хаан маань энэ өдөр мэндэлжээ.

Монгол түмний ариун дагшин шүтээн Бурхан халдун уулыг тахих ёслолыг үзсэн фото дурсамжаа дэлгэе гэж бодлоо.. 2006 оны 5 сарын 22.
Дээд дунд доод гэх гурван овоо байдаг. Доод овоо нь уулын бэлд, дунд овоо нь уулын дунд хавьцаа байдаг бөгөөд энэ харагдаж буй зургийг дунд овоо байдаг уулын орой дээрээс авсан юм. Энэ уулын оройг дагаж (зүүн гар тал руу нь) дээш мацсаар тээр тэнд харагдаж буй овоон дээр очно доо.. Уулын орой гэхэд цэлийсэн том талбай. Талбайн дунд бараг хүний гараар хийсэн гэмээр хөмөрсөн тэвш мэт тавцан байх. 10 н давхар барилгаас өндөр энэ уулан дээрх уул зураг дээр харагдаж байна. Харин дээр нь байх шовгор нь Дээд овоо юм. Доод овоо буюу уулын бэлээс шөнийн 2, 3 цагт гарч дээш мацсаар цаана харагдаж байгаа том уулын оройн захад ирэхэд нар мандсан юм.

"овооны эх таньдаа, а харин олзны их маньдаа"..


Тайх ёслол..


түүх..
Найман зууны дараа ч эх нутгийнхаа дээр намирсаар..


Хааны хөрөгийг бүтээж залах ёслол..
Харин энэ түвдийн шарын шашны бурхан шиг зурчихсан зурагны тухай Ганбаагийн блогоос уншаарай..
нэгэнт шүүмжилснийх зарим зүйлийг хэлэхгүй өнгөрч болохгүй нь.. Монгол үндэстний үндэс Их хааныхаа эрхэм шүтээнийг хүмүүс юугаар тахидагийг хардаа..
Анх явах болчихоод л миний сэтгэл хөдөлсөн юм. Уул гүвээ даван, гол горхи, шавар шалбааг туулан ойртох бүр улам догдлоод л.. Элгээрээ шаварт хэвтсэн машинаа сэвхийтэл өргөөд цааш явахад хөөрч хөвөлзсөн сэтгэлд бүр ч хүч орох шиг.. Тэр л эрч хүчээрээ бидний хэдэн нөхөд шөнөжин дээшээ мацсаар оройд нь гарч очиход наран мандаж таарсан нь ёстой л үгээр өгүүлшгүй сайхан мэдрэмж байсан юм.
Гэвч тэгэж хөөрсөн сэтгэлийг минь гол горойтол харлуулсан хэдэн муухай зураг оруулах нь дээ..

"тэнд хогийн сав байгаагүй"...

хамт явсан нэгэн ТББ -н залуус болон бидний хэдэн нөхөд үүнийг харчихаад хаяад явчихаж төвдөөгүй юм..
зөвхөн хоосон архины шилийг бөөгнүүлэхэд .. бусад хог хаягдал хэдэн арван шуудай болсон билээ.
Лааз түүсийн. Тэнд очсон ганган залуусын зарим нь шоолж л байсан. Очоод хаясан хогий нь хамт цэвэрлэе гэхэд ичээд, дургүйцээд байсан хүмүүсээс бид нар ичээгүй ээ..
энэ гоё дээлтэй хүн ч тэнд байсан. Монголчуудаа! шүтээн дээрээ хогоо битгий хаяарай! гээд хэлчихэд тэнд байсан хүмүүс үгэнд нь орохоор л байсан даа..
за энэ балиар сэдвээ орхиод гоё юм ярья..

Морь унаж гарч ирсэн уулын спортын мастерын дэргэд Монгол эр хүний шинжийг үзүүлсэн сум нутгийн эрхэм ах. Азтай ч дарсан зураг..
бишрэлтэйд бишрэнгүй нь биширмээр..


8 -н зууны тэртээ Эзэн Чингис Хааны харж байсан уул нурууд, мандах нар, хөх тэнгэр, гишгэж байсан Бурхан халдун уул..


Цэнхэрлэн харагдах эх нутгаа, эзэнт гүрнээ хараад юу боддог байсан бол?
..Магадгүй ирээдүйн тухай бизээ.

Saturday, May 17, 2008

Шашны талаар эргүүцүүлэл

- Манай шашныг дэлхийд ... -н сая хүн шүтдэг...
- Манай урсгал нь Христийн загалмайг аврал гэж үздэггүйгээрээ бусдаасаа давуу талтай...
- Уламжлалт сайхан шашинаа шүтэх хэрэгтэй...

Саяхан болтол шашин нь хар тамхи байсан болохоор тэр биз, бидний энэ талын ойлголт баахан зөрчилтэй..
Шашныг харьцуулна гэдэг өөрөө асуудал. Юугаар нь харьцуулахын?
Хорвоогийн үнэн гэж үзвэл аль нь илүү үнэн бэ? гэдэг шалгуур хамгийн оновчтой нь байх. Гэтэл шашны онцлогоор үнэн нь өөрөө итгэсэн эсэхээс хамаараа явчдаг. Энэ нь цаашлаад бид юунд яаж итгэдэг вэ болоо явчина..
Ихэнхи хүмүүс дээр байгаа шиг бүр марзан гэмээр шалгуураар шашныг харьцуулдаг. Яджаахад тэрүүгээрээ талцаа явчина. Сонголтоо яаж хийх нь тэдний хэрэг л дээ.. Гэхдээ энэ нь шашны тухай ойлголтыг улам төөрөгдүүлж байна. Аминист биш л бол яалтачгүй тухайн хүний амьдралд шашин маш их нөлөөтэй. Амиа хорлож үхэх үү, байх уу? үхэхдээ үхэр буугаа яахуу ийхүү? гээд тэр хүний амьдрал шашнаас ихэд хамааралтай болдог аргагүй чухал сонголт. Гэтэл зарим оронд хүүхдийг багаас нь шашинжуулаад сонголт хийх эрх чөлөөг нь булаан авдаг. Уул нь бүх хүн эрх чөлөөтэй. Бурхнаас ч юмуу бидэнд өгсөн агуу хувь хишиг юм.

Үнэндээ ямар ч шалгуур тавьсан аль ч шашин тэрийг чинь хангана. (эсвэл Буддист ламаар америк чөтгөрийг, христ ламаар Монгол чөтгөрийг даруулж үзхиймүү? ) Аль нэгийг нь илүүд үздэг нь бид үлдсэн хэдийг хангалттай мэддэггүйнх. Тэгэхээр сонголт хийхэд шалгуур хангалтгүй болоод байгааз? Тэгвэл харьцуулалт хийхгүйгээр хэрхэн сонголт хийх вэ? Бүр сонголт хийх үү, хийхгүй юу гэсэн "сонголт" хийж ч магадгүй. Хэрэв итгэл зөвхөн оюун ухааны логик тооцооллоос хамаардаг бол энэ мэтчилэн хэцүү болно. Яахав тэр талаас нь аваад үзье л дээ:
Шашны сургаалыг мэдлэг гэж бодоод сонголтоо хийе гэсэн ч бас асуудал.
Библи, Коран, Буддагийн сургаалыг гялс уншчаал сонгоол сонгоол явчдаг бол ч яахуу. Шашны сургаалын хувьд аль түрүүлж мэдсэндээ талтай хандах гээд байдаг. Түрүүлж орсон мэдлэг нь тархинд суугаад тархи тэр мэдлэгийн дүрмээр сэтгэж эхэлнэ. Яг хэл сурч байгаа юм шиг. Анх сурсан хэлээрээ сэтгээд байвал шинэ хэл сайн сурч чадахгүй. Яг зэрэгцүүлээд судалж болох л юм. Тэгвэл сонголт хийхэд бүр ч хүнд болох байх, шашин бүрд агуу зүйлс, үнэний хувилбарууд оршин байдаг. Сонголт гэдэг чинь нэгийг нь аваад нөгөөг орхихын нэр. Эцэстээ юунд ч итгэж чадахаа байсан атейст гарах байлгүй. Зовлонтой нь нэгтгэж ойлгоё гэхээр бие биеэ үгүйсгээд байдаг. Явж явж тархи гээч эрхтний ажиллах зарчим нь логик болохоор сургаалиа аль логиктой тайлбарласан нь хүний итгэл хүлээгээд байх шиг.
Бид шинжлэх ухаанд шууд л итгэдэг шүү дээ. Ямар нэг юм нотлох болвол ШУ -р батлагдсан гэж амы нь таглана. Эргэлзээгүй нотолгоо болдог учир нь ШУ -ний үндэс нь логик юм. ШУ -ч биш бүхэл хорвоо ертөнцийн утга нь логик шүү дээ. Биш гээд маргасан ч тэр чинь логикгүй бол тэгээл явцгүй. Илэрхий худлаа зүйлийг ч логиктой тайлбарлачихад шууд л итгэдэг. Энэ санаагаа итгүүлэхийн тулд би логиктой ярихаас аргагүй.. Тэгвэл хамгийн логиктойгоор нь ШУ -г шүтвэл яасийн? Зарим нь Эйнштэйний зурагны өмнө залбирал үйлдэх тухай бодож байж магадгүй. Аугаа их дээд нэгэн зүйлийг мэдрэх, түүний өмнө мөхөс мэт мэдрэмж бүгдэд л төрдөг.
Гэвч 500 -д жил судалсан хамаг ШУ -ний маань тайлбарлаж чадахгүй зүйл улам л ихсээд байна. Ямартаа ч логикын хувьд хамгийн зөрчилгүй үнэн бол Cogito ergo sum. (Сэтгэж байна, тиймээс би оршиж байна. Р.Декарт.)
Хэнд ч ойлгогдохоор энгийн түвшинд би сонголт хийх шалгуураа бүхнийг, эсрэг үзлээ ч өөртөө шингээсэн нэгдмэл, цорын ганц, хувиршгүй байхаар тавина. Тэгээд "олж харах" -ыг хичээнэ дээ..

Thursday, May 15, 2008

Урдуур..

Энэ төвдүүд нэг юм хийгээд байна уу, гүй юу?

Wednesday, May 14, 2008

Ангилал

Хүнийг ангилах тухайд л даа. Юугаар ангилах уу? шалгуур нь юу байх вэ гээд зөндөө зүйлс байх биз.. Үнэндээ шалгуурыг ч ангилж болно. Бас л ямар шалгуур байх вэ болоо явчина.
Багын явдал, 3 -н бяцхан хүү ярилцана,
Нэг нь:
- Чиний хамгийн сайн найз хэн бэ?
- Чи..
- Минийх ч гэсэн чи..
Гуравдахь хүүгээс асуув:
- Харин чиний хамгийн сайн найз хэн бэ?
- Чи..
- Минийх бол тэр.. (2 дахь хүүг нэрлэв.)
Найзаа гомдоосон энэ яриа надад том сургамж болсон юм. Хэн нэгнийг гомдоохгүй гэсэндээ хүмүүс бусдыг ялгах, ангилахаас зайлсхийдэг. Ангилсан ч хэн нэг нь гомдохооргүй шалгуур сонгосон нь дээр. Жишээ нь хүмүүсийг эр эмээр нь ангилахад ч гомдох хүмүүс бий. Зарим шалгуурыг бүр үндсэн хуулиар хориглосон байдаг. Арьс өнгө, шашин шүтлэг, үзэл бодол, нас хүйс гэх мэт. нэг явдал санаанд орчлоо.. ШУТИС -н оюутны холбооны тэргүүн сонгох чуулган дээр 2 -р курсын нэг хэвлүүн банди нэрээ дэвшүүлэн гарч ирээд оюутны холбоог үндсэн хууль зөрчсөнийг илрүүлж билээ. Учир нь ОХ-н дүрмэнд зөвхөн 3-с дээш курсын оюутан тэргүүнд нэр дэвшинэ гэж заасан байж..
Ангилал хийхэд муу зүйл байхгүй. Харин хийсэн ангилалынхаа дагуу бусадтай харилцдагаас асуудал үүсдэг биз.. Угаасаа л бүгд ангилал хийдэг шүү дээ. Мэдрэмж, дүгнэлт нь гаднаа тэр болгон харагдахгүйгээс биш..
Тэгээд ч хүн бүртэй адилхан харьцдаг хүн байдаггүй байх. Хүн бүр ялгаатай шүү дээ. Лав л танилууд маань ээж аавтайгаа харьцдаг шигээ харьцсангүй гэж надад гомдоллож байгаагүй. Тэрэн шиг хүн болгонд л онцгой эрхэм нандин хүмүүс байдаг. Тэдэнтэйгээ бусад шиг нь ижил түвшинд харилцвал юугаараа онцгой болох вэ дээ..
Энийг ойлгоод хүлээн зөвшөөрсөн тохиолдолд харилцаа хавьгүй хялбар болно. Хоёр хүний хувьд бие биенийхээ аль ангилалд орсоныг мэдрэх, мэдэх явдал бол харилцааны чухал асуудал шүү.. Согтуучууд заримдаа - Би чамайг найзаа гэж бодож явсийм.. гэдэг. Ангилал нь ижил байсан бол сайхан санагдана, үгүй бол маш онцгүй мэдрэмж.. Энэ талаар буюу дотно хүмүүс харилцаагаа тодорхойлохдоо болгоомжтой байх тухайд нэг юм бичих гээл байгаа..
Миний хувьд хүний ангилалд их болгоомжтой ханддаг. Тэгэхээс ч аргагүй. Энийг уншсан хүмүүс өөрсдийгөө миний аль ангилалд орсон бол гэж бодож байж магадгүй. Бүгд л эрхэм андууд гэсэн ангилалд байгаа. Гэвч заримд нь энэ хариулт таалагдахгүй. Тэгвэл тийм хүмүүс тэдэнд тусгайлан зориулсан ангилалд багтана даа. Ил илэрхийлэх шаардлагатай тохиолдолд нандин гэж болохоор тэр ангилалаа нийтийн ангилалд нэмчихдэг. Жишээ нь блог линкүүд байна. Хэдхэн дуртай линкээ тавихаар бусдыг нь ялгаад ч байгаам шиг.. Тэр нь ч хавьгүй амар. Ерөнхий сайд С.Баяр бүх хүнийг 2 ангилдаг тухайгаа ярьж байсийн. Ном уншдаг ба уншдаггүй гэж..
Ер нь хүн бусдыг ангилах дуртай ч өөрөө ангилалд орох дургүй мэт. Намайг лав нэг ангилалд оруулахад нөгөөгөөс нь хасаад хязгаарлаад байгаа юм шиг, эсвэл эрх чөлөөг минь хумиад байх шиг таагүй санагддаг. Гэхдээ Монгол гэдэг ангилалд байгаадаа сэтгэл ихэд хангалуун байдгийн. Миний дотроо хийсэн ангилалтай давхцдаг болохоор тэр л дээ..

Эцэст нь сонирхвол ангилалыг ангилах тухайд Хурметбек -н номноос уншина бизээ..

Tuesday, April 22, 2008

Font тойрсон проблем

Компьютерын крилл үсэгний учрыг олъё гэсэн хүмүүст энэ бичлэгийг зориулж байна.
1. Эхлээд компьютерын keyboard driver гэж юу болохыг тайлбарлая.
Үйлдлийн систем нь дэлгэц, гар, принтер гэх мэт ямар нэг төхөөрөмжтэй холбогдож
ажиллахын тулд драйверыг ашигладаг. Өөрөөр хэлбэл драйвер нь тухайн төхөөрөмжийг удирдах функцууд юм. Програмууд төхөөрөмжтэй харьцахдаа үйлдлийн системд суусан тэрхүү драйверуудыг ашигладаг гэсэн үг. Жишээ нь monkey бол keyboard-тай ажиллах драйвер болно.
Keyboard-ны товч бүр нь өөрийн гэсэн тоон кодтой бөгөөд товчин дээр дарахад харгалзах кодыг процессорлуу илгээнэ. Энэ кодыг Анхдагч код гээд нэрлэчий.. Тэгвэл гарын драйвер нь энэхүү анхдагч кодыг хүлээж аваад өөрийхөөрөө хөрвүүлэн фонтны тоон код болгож
үйлдлийн систем болон бусад програм-руу дамжуулдаг.
2. Font ба тэмдэгт
Компьютерт тэмдэгтийг тоогоор илэрхийлж хадгалдаг. Жишээ нь эхэн үеийн фонтны системд А үсэг 65 гэсэн тоонд харгалзах ба нийт 0 - 256 хүртэл ялгаатай тэмдэгт байжээ.
Харин фонт бол тухайн тоонд ямар дүрс тэмдэгт харгалзахыг заасан хүснэгттэй файл юм. (энгийнээр ойлгоход шүү дээ) 0 -с 256 хүртэлх тоо
нуудад харгалзах дүрс, тэмдэгтийг зурж оруулаад хадгалахад тэр фонт файл болно. Жишээ нь 65 гэсэн тоо arial фонтоор A -дүрс (тэмдэгт) болно. Харин Times new roman фонтоор бол A тэмдэгт болно гэсэн үг. Эхэн үеийн фонтны энэ стандартаар бусад олон хэлны үсгийг тэмдэглэхэд хүрэлцэхгүй болсон тул Unicode гэдэг стандартыг гаргасан байна. Энэ стандартаар 65536 хүртэл тэмдэгт оруулах боломжтой бөгөөд хэл болгонд тоон хязгаарыг нь зааж өгсөн. Жишээ нь Монгол крилл үсэг 1025 -с 1103 хүртэл (орчим шүү..) тоонд харгалзана. Windows XP -н стандарт фонтууд болох arial, times, tahoma, courier зэрэг фонтууд крилл үсэг дэмждэг буюу 1025 - 1103 хүртэлх тоонуудад харгалзах крилл үсгийг нь оруулцан гэсэн үг. Харин энэ стандарт гарахаас өмнө Монголын зарим компани өөрсдөө фонт үүсгэн ашиглаж байсан нь бидний мэдэх arial mon, times new roman mon зэрэг "mon" -той фонтууд юм. Энэ фонтны системд крилл үсгийг 170 орчмоос эхлэн кодлосон байдаг. Мөн энэ фонт-д зориулсан Monkey гарны драйверыг хийжээ. Жишээ нь энэ драйвер нь хэрэглэгч keyboard-ний G үсгэн дээр дарахад үүсэх анхдагч кодыг 177 тоо руу буюу крилл А үсгийн код болгон хөрвүүлдэг. Энэ 177 гэсэн код бүхий тэмдэгт нь зөвхөн Arial mon зэрэг mon-той фонтуудад А үсэг болж харагдах бөгөөд unicode -ийн Arial фонтоор À тэмдэгт болж харагдана. Харин unicode -ийн А үсэг нь ArialMon фонтоор  -болж харагдана.
Unicode -ийн крилл үсгээр бичих гарын драйвер нь XP -д өөрт нь байдаг. Control panel -н тохиргооноос гаргаж ирэхэд болно. (Зааврыг дор хавсаргав.) Тэгэхээр ArialMon фонтоор бичих бол monkey драйверыг ашиглах нь байна. Энэ хоёр драйверын хэлний сонголт нэгэн зэрэг Монгол байж болохгүй, алийг нь хэрэглэхээсээ хамаарч нөг
өөхийг нь заавал english болгох хэрэгтэй.
Unicode -н систем нь олон улсад албан ёсоор стандарт болсон бөгөөд ихэнх мэдээллийн систем энэ форматыг дэмждэг. Интернэт, вэб хуудас, хэрэглээний болон оффисын програмууд гэх мэт. XP -н гарын драйвер ашиглан
Arial фонтоор бичсэн л бол таны текст алдаагүй харагдана, бичигдэнэ. Харин monkey ашиглаж arial mon -р бичсэн бол арзайсан л юм болно доо.. Ер нь ч тэгээд хэрэглээнээс гарч байгаа. Дезайнеруудын хувьд monkey -г ашиглах болдог. Учир нь unicode -н крилл фонтууд хэдхэн төрөл байдаг бол mon-той крилл фонтууд маш олон төрлийн шрифттэй байдагт юм. Удахгүй unicode -н олон гоё фонтууд крилл үсэгтэй болох байлгүй дээ.. Тиймээс албан хэрэгцээнд болон интернэт вэб зэрэгт XP -н драйверыг ашиглан arial, tahoma, times зэрэг фонтыг хэрэглэх хэрэгтэй.
Энд харин нэг балай програмыг хэлэхгүй өнгөрч болохгүй нь. Энэ бол гарны драйвер ч биш, фонт ч биш
Realmon гээч програм. Үйлдлийн системээс устгаж болдоггүй, зөвхөн realmon суусан компьютерт л крилл үсгийг зүгээр мэт "зөвхөн" харагдуулдаг. Хэрэглэгч чухам аль гарын драйвер (unicode or monkey) ашиглаж бичээд байгаагаа мэдэхэд төвөгтэй, зүгээр юм шиг харагдавч өөр газраас үзэхэд monkey -р бичцэн байдаг, фонтны учраа олдоггүй хүмүүсийн сэтгэлийг хуурдаг тийм л програм даа..
Үүний оронд тэмдэгтийн кодонд хөрвүүлэлт хийж arial mon - г arial болгодог мөн эсрэгээр нь ч хөрвүүлдэг арга бий. Тусгай програм ч байдаг. Word -н макро ашиглан хийсэн хөрвүүлэгчийг зааврын хамт share хийлээ. Татах линк.

XP -н Монгол гарын драйвер суулгах заавар:
1. Control panel -д буй Regional and Language Option -г дар.
2. Гарч ирэх цонхны Languages хэсэгт буй Details товчийг дар.
3. Гарч ирэх цонхонд байгаа Add товчийг дараад Монг
олыг сонгоно. Тэгээд ok ok ok...
түүний дараа Start цэсний баруун буланд доорх дүрс гарах ёстой. Амжилт хүсье!
Мөн лавлах зүйл байвал сэтгэгдэл дээр асууна бизээ.
Бусад хэрэгцээт хаяг:
монгол үсгийн фонтны тухай
Баяртай АРИАЛ МОН, шинэ үе ЮНИКОДыг сонгож байна

Monday, April 14, 2008

Цэцэн 3 -н сармагчин

энийг харж жаал инээж билээ..

Бас нэг хувилбар.. асуулт байна: энэ 4 -н аль нь хамгийн ухаантай вэ?

Thursday, April 10, 2008

Only time ( Who Can Say )

Enya ...



Who can say where the road goes,
Where the day flows, only time?
And who can say if your love grows,
As your hearth chose, only time?

Who can say why your heart sights,
As your live flies, only time?
And who can say why your heart cries
when your love lies, only time?

Who can say when the roads meet,
That love might be ,in your heart?
and who can say when the day sleeps,
and the night keeps all your heart?
Night keeps all your heart.....

Who can say if your love groves,
As your heart chose, only time?
And who can say where the road goes
Where the day flows, only time?

Who knows? Only time
Who knows? Only time

Wednesday, April 9, 2008

аниргүй

Бага байхад нэг сонингийн тасархай аваад жоогоонд орсон юм. 0 -н цаас, тамхины цаас, бэлэгний цаас, гал ноцоох цаас бүгдийг сонин орлодог байсан тэр үед л дээ.
Тэр сонин дээр "Аниргүй" хэмээх нэг сонин өгүүллэг байж билээ. Их таалагдсан боловч хэрэглэхээс өөр аргагүй тул авч үлдэж чадаагүйм. Тэнд нэг сонин охины тухай гардагийн. Бүрэг, ганцаардмал, байнга бодлогоширсон, бараг найзгүй.. Хайртай дотно ээж нь өнгөрснөөс хойш бүр ч дуугай болжээ. Нэг удаа найздаа ирээд ийн ярив:
- Чи аниргүй байж чадах уу? хамгийн төгс амгаланг мэдрэх, юу ч сонсогдохгүй тиийм гүн аниргүй.. Тасс харанхуй, бин битүү өрөөнд, толгой дээрээ зузаан дэр давхарласан ч тэр аниргүйг би мэдэрч чадахгүй нь. Тэнд зүрхний цохилт, амьсгалын чимээ, элдэв бодлын шуугиан сонсогдсоор байна. Би авь аниргүй байхыг хүсэж байна.
...
...
эцэст нь охин амиа хорлодог..
Чимээ байтугай бодлоо ч мэдэрдэггүй төлөв үхэл байж болохын.
Дүлий хүн ямар нэг юм "сонсдог" болов уу? Аниргүй гэж юу ч мэдрэхгүй байхыг хэлдэг бол юу ч мэдрэхгүй байгаагаа бид хэрхэн мэдрэх вэ? Хүн өөрийгөө "сонсож" байж л оршин буйгаа мэднэ. (cogito ergo sum)
Бидэнд амьдралын элдэв шуугианаас залхах үе бишгүйдээ нэг тохиодог. Тэр охин ч ялгаагүй. Ээжийнхээ хойноос хязгааргүй их гунин гашуудсан түүнийг эхийнхээ оршуулган дээр уйлаагүй хэмээн муу хэлэх хамаатнуудаасаа, монгол хэлний муйхар багшаасаа, хорвоогийн элдэв шуугианаас бүр залхаж гүйцээд байсан юм. Үхсэний дараа тэр охинд аниргүй болсон болов уу?
Аниргүй надад харанхуй, хоосноор л төсөөлөгджийнө.
Аниргүйгээс амар амгалан нь хавьгүй дээр мэт санагдхийн.
"Амиа хорлох нь гэмт хэрэг. Хэрэгтнийг буцааж амьлуулаад хүндээр шийтгэвэл зохино." В.Бутулэску.

Friday, April 4, 2008

Төлөвлөгөө

Блогтой болсны дараахан ийм нэг төлөвлөгөө гаргаж билээ.
- Монтень - эсээ

- Нөхөрлөлийн тухайд
- Эрх чөлөө
- Үнэт зүйлс
- Шалгуурын шалгуур
- Төрийн төлөө оготно
- Хэлц үгс
- Үнэний тухайд
- Луугийн хүчин
- Мэдрэмж
- Дотно хүмүүс харилцаагаа тодорхойлохдоо болгоомжтой байх тухайд...
- Бөгжний эзэн
- Биднийг аз жаргалтай болгодог зүйлс
- Бражелоны бээл буюу 10 жилийн хойно

Уг нь анх их л гоё юм бодож өгсөн нэрс. Хэн нэгэнд хүлээлт үүсгэсэн байж магадгүй. Аливаа зүйлийг хэрхэн авч үзэх нь төсөөллөөс ихээхэн хамаардаг болохоор (Монтень) зайлшгүй нүүр тулах зүйлсийнээ хувьд доогуур үнэлэмж өгөх уг нь зүгээр байдаг.

Нэгж цаг хугацаанд аль болох олон үйлдэл багтаахын тулд бид үйлдлээ зайлшгүй дарааллуулж төлөвлөх хэрэг гардаг. Цаг хугацааг үр дүнтэй ашиглах, хийж буй зүйлээ дуусчихаад дараа нь юу хийхээ мэддэг байх гэх мэт төлөвлөгөөний ашигтай талууд зөндөө л байх биз.. Гэвч...
Төлөвлөх гэдэг нь нэг талаар ирээдүйд эдлэх сонголтын эрх чөлөөгөө урьдчилаад одоо эдэлчихэж байгаа хэрэг юм. Тэгснээрээ бид ирээдүйд эрх чөлөөгүй болж орхино.
Оюутан байхдаа нэг удаа айхавтар төлөвлөгөө гаргаж билээ. Өөрт байгаа бүх цагаа төлөвлөж, амьдарч үзэв. Жишээ нь 7 хоногт 168 цаг бий. Үүний 50 цагт унтана. Сурах цаг 10, хичээлд суух 10, бие даалт 5, идэх 14, бүтээлч цаг- 2, ном унших 4, угаал үйлдэх -3 ... гэх мэтчилэн, бүр дүгнэх цагий нь хүртэл гаргаж байхав.. тэгээд хурал семинарын шахуу хөтөлбөр шиг цаг минутаар нь зоогоод, цаг болгон дээр нь хийх зүйлсээ, материалтай нь бэлдэж төлөвлөөл..
яг энэ хөтөлбөрөөрөө ганц 7 хоног л яс амьдарсан байх. Учир нь энэ төлөвлөгөө эрх чөлөөг минь боомилоод байх шиг санагдаад тэсвэрлээгүй юм. Би өөрөө өөрийгөө эрх чөлөөгүй болгоод байлаа.
Гэтэл бүр амьдрал нь бүхлээрээ, минут секундээр төлөвлөгдсөн завгүй хүмүүс байдаг шүү дээ.. ямар нэг зүйл төлөвлөөгүй цаг нь хүртэл төлөвлөгдсөн. Төрийн түшээд, завгүй бизнесменүүд, япон, германчууд гээд л .. нэг бодлын эрх чөлөөгүй хүмүүс.. Гэхдээ Монгол хүний цагийг үнэлдэггүй, наазгай чөлөөтэй байдлыг эрх чөлөөний мэдрэмж гэж хэлж байгаан биш шүү. Тэдгээр ажилсаг хүмүүс эрх чөлөөгөө хариуцлагаар сольсон юм. Эрх чөлөө хариуцлага хоёр зоосны 2 тал шиг л нэг бүхэл ойлголт билээ.
Энд төлөвлөгөөнөөс илүүтэй эрх чөлөө гэсэн сэдэв яригдаад байна. Эрх чөлөө гэдэг бүгд мэддэг юм шиг боловч хэцүүхэн ойлголт шиг санагддийн. Юуг эрх чөлөө гэх вэ? Юу ч хийхгүй байх нь эрх чөлөө юу? Эрх чөлөө "байдаг" уу?
Эрх чөлөө... Эрх чөлөөг мэдрэх, Эрх чөлөөг эдлэх .. Төлөвлөгөө нь эрх чөлөөг боогдуулж буй нэгэн жишээ бол төвлөрсөн төлөвлөгөөт эдийн засаг юм.

Одоо цагаас ирээдүй цаг руу хандсан хүний хандлагыг илэрхийлэгч үгнүүдийг "дарааллаар" нь жагсаавал: Хүсэл -> мөрөөдөл -> зорилго -> зорилт -> төлөвлөгөө -> заавар -> тушаал ...
Илэрхийлж буй утгын өөрчлөлтийг анзаарсан бизээ..
холоос ойр, ерөнхийгөөс тодорхой, эрх чөлөөнөөс хариуцлага, романтикаас прагматик ...

жич: дээрх сэдвүүдээр бодлоо хуваалцан өөрсдийн блогтоо бичвэл ихэд талархан унших болно шүү..
жаахан будаа идэх санаатай

Бостоны симфони

Дуурийн театрын урдуур явсан биш тоглолтийн тасалбар авчихлаа. Америк удирдаачтай симфони найрал хөгжим Чайковскийн 5-р симфони, Бетховены 4-р симфони -с тоглох юм байна. Иймэрхүү дан симфони хөгжимийн тоглолт ховорхон болдог болохоор амжиж үзэхийг зөвлөх байна. Ичихгүй бол оюутан гэж гүрийгээд тасалбарыг 3500₮ -р авч болно. (бараг л үнэгүй..)

жич: тоглолт маргааш 4 сарын 4-ны хагас сайнд 17 цагаас болно.

вэб хуудас:
http://opera-ballet.mn

Friday, March 21, 2008

...


Ухаан зүггүй шүтсэн бага ангийн хоёр охин тоглож байхтай таарч билээ.. бүр бие биенээ Болороо, Ану гэж дуудаад л.. аймарр..

Клипийг нь үзлээ. Бяцхан дүү нарт минь биш "Том" хүүхдүүдэд зориулж дуулсан юм шиг байна. над бол "Зөвхөн насанд хүрэгчдэд" гэчмээр л санагдлаа..

Monday, March 17, 2008

Гуга

Хүн маш олон хүчин зүйлээс хамаарч төлөвшдөг. Жишээ нь намайг үүсгэсэн сперматозойд жаахан хоцорцон бол өдийд яг би байх байсан уу? гэх мэт сонирхолтой асуултууд байдаг. Хэрэв би гадаадад төрсөн бол одоо байгаагаас хэр өөр хүн байх бол? Төрж өссөн орчин, эцэг эх гэх мэт бид өөрсдөө сонгодоггүй хүчин зүйлсийг орхъё. Жишээ нь би ном уншдаггүй байсан бол одоо байгаагаас огт өөр л хүн байхсан биз. Энэ талаар бодох тусам хүнд эхээс авч төрсөн шинж чанар нэлээн бага мэт санагдхийн. Хүнд гэр бүлийнхэн нь ихэд нөлөөтэй байдаг тухайд Нана бичсэн байгаа. Хүн бүр өөрийг нь тодорхойлдог шинж чанараа гадны ямар нэгэн зүйлээс л төлөвшүүлж авсан байдаг мэт.. Миний хувьд одооны би –г таньж авахад нөлөөлсөн хэд хэдэн хүн, бас ном байдгийн нэгийг энд танилцуулах гэсэн юм.
Эрхэм ахын алдрыг Хурметбек (Гуга) гэнэ. Эрэлхийллийн уран зохиол нэртэй оны шилдэг ном шалгаруулах тэмцээнд 3-т орсон “Үл бичигдмэлүүд” номоор нь хүмүүс таних байх. Баабар гуай “Дори идэр дүүдээ” номондоо уншихыг санал болгосон байна лээ. Би ч санал болгох байна. Номноос авч үлдэн надад нөлөөлсөн чухаг зүйлсийн нэг нь сэтгэлгээний эмх цэгц болон логиктой сэтгэхийг хичээх болсон зэрэг юм. Урьд нь философийн сүрхий ном уншиж яваагүй болхоор “ангилал зүй”, “хэмжил зүй”, “санагч” зэрэг ойлголтуудыг энэ номноос анх гүнзгий бодолхийлсэн билээ. Аливаа хүнд өөрт таалагддаг, хүндэлдэг хүнтэйгээ адил нийтлэг зүйлтэй байгаагаа мэдрэх нь сайхан санагддаг шүү дээ. Зарим нь бүр муу талуудаараа ч хамаагүй адил байх гэдэг. Жишээ нь муу Гамп-тайгаа нэг ч болтугай зүйлээр холбоотой шүү гээд бодохоор нэг л өег. Гуга ах бид хоёрын хооронд ч адил зүйл олон байх мэт санагддийн. Нэг сургуульд ижил мэргэжлээр тэхдээ бүр ихэд сонирхолтой сайхан мэргэжилээр сурсан, физик, логик, электроник, философи зэрэг сонирхдог, боддог зүйлс ч төстэй мэт..
Үүнийг бичих болсон учир нь эрхэм ахыг блог бичдэг байх гэж горьдон битүүхэн хайж явсаар олсон явдал юм. Мундаг хүмүүсийн мундаг номнууд байдаг л даа. Гэхдээ юунд ч баригдалгүй, хэнээс ч ишлэлгүй өөрийн бодлоо гайхалтай эмх цэгц, логиктойгоор тэгээд электрониктой холбон өгүүлсэн нь надад чухам нэг таалагддаг болно. За ингээд олон үгээр юүхэв. Та бүгд өөрсдөө сонирхоцгоо..

Sunday, March 9, 2008

Шинэ өглөө


өглөө..
үг нь хүртэл гоё сонсогдхийн..

- Миний хөө! босоорой, өглөө болчихлоо! ...

Ямар ч зовиургүй, сэргэг, амгалан тайвнаар нойрноос сэрэх хамгаас сайхан... Яг л Frodo шиг..

Thursday, March 6, 2008

Харьцуулах үйлдэл

Хурметбек-н "Үл бичигдмэлүүд" -д тодорхой гардаг болохоор нэмж юм хэлэхэд хэцүү л байна. Түүн дээр харьцуулж болдоггүй зүйл байхгүй хэмээн гардаг. Учир нь бүх зүйл хоорондоо ялгаатай шүү дээ. Бурханыг ч харьцуулж болно.
Сайн харьцуулалт хийхэд сайн шалгуур хэрэгтэй ба сайн шалгуурыг өөрийг нь бас "харьцуулж" байж олж авна. Энэ талаар халти бичсэн юм бий.
Харин зарим зүйлсийг харьцуулахад хэцүү. Хайрыг, дотно хүмүүсээ, хийсвэр зүйлсийг харьцуулахад хэцүү.. өөр олон л юм байгаа байх. Жишээ нь ээж, эхнэр, хүү гуравынхаа аль нэгийг хавцлаас шидэх сонголт хийлгэх гэх мэт.. Иймэрхүү харьцуулалтаас зугтсанаараа би бөөрөнхий болно (цаашлаад тамд унана. Данте). Бөөрөнхий гэдгийг бөөрөнхий бишүүдтэй нь "харьцуулж" мэднэ..
Харьцуулах үйлдэл сайн муу хоёр талтай мэт. Яагаад гэвэл харьцуулалтаар сайн муу хоёр зүйлийг "гарган авдаг". -Энэ бол сайн зүйл гэж хэлэхдээ бид үлдсэнийг нь муу болгоно. Хоёр ижилхэн сайн зүйлийг ч хооронд нь харьцуулаад нэгийг нь нөгөөгөөс нь муутгаж болдог.
Нөгөө талаар муу зүйлс байгаагүй бол бид сайныг ялгаж чадахгүй шүү дээ. Жишээ нь би хамгийн үзэсгэлэнтэй сармагчингаас царайлаг гэх мэт..
Ер нь ч аливаа үнэлэмж ийм байдлаар тогтдог байх.. Тэгэхээр би эрхэм зүйлсийг минь улам үнэ цэнэтэй болгож буй харанхуй бүхэнд талархах хэрэгтэй юу?
Өмхийтэй харьцуулснаар сарнайн үнэрний сайхан улам тодорно. Тэгвэл бүх зүйл нь сайхан байдаг диваажинд хүмүүс унгадаг болов уу? Унгасан ч сарнай үнэртдийн бол уу? аягүй бол бүгд цагаан хоолтон байгаадаа.. Өмхий үнэртэхгүй юм чинь сарнайн сайхныг яаж мэдэхүү? Муу зүйл байхгүй юм чинь сайн зүйл ч байхгүй тэрхүү диваажинд хүсэл төрөх болов уу? Нэгэн хэвийн учраас сонголт байхгүй. Сонголт байхгүй бол эрх чөлөө ч байхгүй..
Тийм газар луу яагаад тэмүүлдэг байнаа гэжүү? Там -тай харьцуулсан учраас шүү дээ.. Зарим нь бүр энэ амьдралтайгаа харьцуулаад өндөр дээрээс явчихдаг..

Хамаг нүгэл харьцуулалтаас эхэлсэн гэдэг сургаал байдаг.
Библи -д гардагаар бол Люцифер (тэнгэрийн элч) могой болон хувирч Ева -г уруу татдаг. Ингэх болсон шалтгаан нь Бурханы Адамыг хайрлах хайр өөрийг нь хайрлах хайраас илүү байжээ..
Харьцуулалт хийсэн Люцифер (сатан) -ийн буруу юу? Эсвэл эхэлж "харьцуулалт" хийсэн Бурханы буруу юу?
Сайн зүйлийг таньж, олж авсны хөлс нь харьцуулагдсан муу зүйлс гэж хэлж болохоор.. Анд нөхдөө бусдаас нь эрхэмд үзсэний төлөөсийг үлдсэн хүмүүс төлдөг. Маш олон дотно сайхан найзуудын минь үнээр бүтсэн болохоор наддаа эрхэм байхаас ч аргагүй юм.
Хүнийг хэмжинэ гэдэг муухай зүйл.. Тэр дундаа найзуудаа дугаарлана гэдэг адгийн зан.. Гэсэн ч энэ бүгдийг хийдэг буруугаа харьцуулах үйлдэл рүү чихэх үү?
Бид үнэнийг харьцуулж л таньж мэддэг шүү дээ. Нөгөө талаар харьцуулах зүйлгүй бол үнэнийг хэрхэн таних вэ?
Харьцуулалтаас хандлага тодорно.. Хэрэв хэн нэгэн эхнэрээс минь илүү санагдвал яахуу? (түй түй.. ) Тэхээр эрхэм нандин, хувиршгүй байх тэр л зүйлсээ "харьцуулашгүй" өндөрт нандигнах хэрэгтэй гэж зөвлөх байна. Харин харьцуулашгүй тэр зүйлсээ харьцуулж байж л олж авна даа..
Юмс тодорхой болж буй нь сайн боловч энэ тохиолдолд тодорхойгүй байх нь хэрэгтэй буюу дотно хүмүүсийн харилцаа тодорхойгүй байсан нь дээр. Тодорхойлно гэдэг цаанаа харьцуулах үйлдэл хийж байдаг. Нөгөөтэйгүүр тодорхойлно гэдэг хязгаарлана гэсэн үг (Спиноза) гэж афоризм бий. Энэ тухай удахгүй бичимз.. Ямартаа ч блогийг минь бусадтай нь бүү харьцуулаасай хэмээн хүсэх байна.
Энэ хүртэл "<" , ">" харьцуулах үйлдлийн тухай байлаа. Цаана нь "=" гэсэн үйлдэл бий. Бидний амьдран буй орчлон ертөнцөд бүх зүйл тэнцвэрт оршдог гэж боддийн.
F = (-F )
Өмхийг сарнайтай харьцуулсан нь сарнай сайхан үнэртэй гэдгийн баталгаа болж чадахгүй. Миний танил Дондог хэмээх ялаанаас асуугаарай. Олонхийн санал энд хамаагүй. Тэгээд ч тэд хамаагүй олуулаа.
Сайн зүйлс харьцуулах шаардлагагүй, дангаар, өөрийн мөн чанараар оршдог энэ тэр гээд зөндөө философи байдаг ч надаа бол хүн өөрөө бүхний хэмжүүр гэдэг үг илүүтэй таалагддаг.
Хүн л харьцуулалт хийнэ шүү дээ.. Тэрнээс биш сарнай ч ялгаагүй өмхийг бүрэлдүүлдэг атомуудаас л тогтоно. Бүх зүйл ялгаагүй, тэнцүү.. (Тэнцвэрийн талаарх бодлоо тусад нь бичмээр санагдлаа..)

Бид харьцуулах их дуртай.. Хот хөдөөгийнхөн, гадаад дотоод, эр эм, эрт эдүгээ гээл...
Эцэст нь харьцуулалтын үр дүн гэдэг хийж буй ганц, хийлгүүлж буй хоёрт ихээхэн хамаатай, нөлөөтэй байх тул болгоомжтой, мэдрэмжтэй, ухаалаг, хариуцлагатай байгаарай л гэж ерөөе дөө..

Thursday, February 28, 2008

The Secret

Нэгэн нууцыг та бүхэнд дэлгэе! Гэхдээ энэ нууц шүү!!

Татаж авах линк gogo.mn -с (Монгол хэлээр):
Тал нь,
нөгөө тал нь..

rapidshare link
http://rapidshare.com/files/98596413/secret.part1.rar
http://rapidshare.com/files/98598874/secret.part2.rar

Saturday, February 23, 2008

Жорлонд өнгөрүүлсэн амьдрал..

Уул нь эрхэмсэг блог юмсан. Гамп баас хүрмээр нэг юм биччиж. Яахав.. ганц удаа балиартчий..

Жорлонд орж "морио" харахыг тооцхоо байяа. Яалтачгүй амьдралын минь багагүй хэсэг жорлонд өнгөрчээ. Аймар хайрдаг хурц ирмэгтэй паалантай горшокоос эхлээд өдийг хүртэл 1000 гаруй цагийг юм бодоход зарцуулж. Ном унших зуршилаас болоод би ч удаан суудаг л даа. Бага байхад бүр донтоод хөдөө хашааныхаа жорлонд лаа авч орж байхав дээ.. Зун үнэр нь, өвөл даарах нь болохоос биш модон жорлон ч сайхан шүү дээ. Завсраар нь хорвоог харсан шээг.. Шинэ ухсан нь бүр ч кайфтай. Хнг!! гэчээл байжийтал тээр доор пялл!! гээл.. хэ хэ..
Хүн өөрөө өөртөө дуртай. Өөрийнх нь унгас өөрт нь муухай санагддагүй гэдгээр нэгэн багш маань энэ санааг баталж байсийн. Няцаашгүй жишээ шүү.. хэ хэ..
Хоол орохдоо сайхан байдагчлан гарахдаа ч бас аятайхан санагддаг. Дотор онгойгоод л ирдэг шүү дээ. Ялангуяа хоол идчээд гэдсээ дааруулчихаар юу юугүй нэг сонин мушгидаг даа. Ойрхон мөртлөө хурдан хурдан алхаал.. Яг л үйсэн бөглөөтэй шампанск буудуулж байгаа юм шиг..
Өдөр бүр мэдэрдэг амьдралын минь салшгүй хэсэг болохоор яалтачгүй олон дурсамжтай холбогджээ.

Багын минь салдаггүй нэг найз байлаа. Бүх юмийг хамт хийнэ. Хөдөөний жорлон дандаа хос байдаг болохоор нэг бол тэднийд, эсвэл манайд.. бүр баас хүрээгүй байсан ч нөгөөхөө дагаал цаас бариал хамт орно. Дүлэнгээ л юм яриад.. - За чи болжийно уу? би дуусчийна гээл.. (бас өөр чимээ ч сонсогдоно..)
Хамгийн гоё нь наадмын талбайн жоогоо байсын. Хүн бараг ордоггүй болохоор зун харьцангуй цэвэр.. Бид хоёр л очиж хэдэн өтий нь тэжээдэг байлаа. Сүүлдээ үнэр нь хүртэл нэг л дотно санагдаад. Ямарч л байсан тэгэж хамт баах нээх гоё санагддаг байсиймдаг. Африкын нэг омгийн тухай уншиж байсийн. Омгийн ахлагч хүндэт зочин ирвэл өндөр модны мөчир дээр
хамт сууж хүндэрдэг тухай. (хүндрэх! хөнгөрөх?) Тэр нь их хүндэтгэл юм байх. Авууштай л санаа. Би хувьдаа 0 -н өрөөгөө маш гоё тохижуулна гэж боддийн.
Сумын төвд бас хэд хэдэн нийтийн жорлон байх. Нэг нь доороо нохой ордог нүхтэй.. (Зах зээлийн хэцүү ч үе байж..) Мань хэд ч толгойг нь "онох" гэж их хөл хөөрцөг болдогсон. Бүр "бэлдэж" ирээл.

Танихгүй шинэ газар анх ирэхэд нэг л эвгүй байдаг даа. Миний ажигласанаар бол тэндхийн жоогоонд нэг сайхан хүндэрчихэд арай л өөриймсөг болоод дотно санагдаад явчихдаг юм шигээ.. Тэгээд дараа нь өөр тийшээ очих болохоор хуучин жорлонгоо үгүйлээд бүр зорин очиж баах хандлагатай болдог. Ер нь бол ийш тийшээ их явдаг хүмүүс ямар ч нөхцөлд тавтай хүндэрч сурах хэрэгтэй юм шиг байгаан. Түгжээгүй хаалга, балиар суултуур ч сураагүй хүнд бол хэцүү л асуудал. Суултуурны ирмэг дээр гарч зогсоод, хаалганы бариулаас зууран гаднаас татахад нь унахгүй тэнцвэрээ олж сууна гэдэг хэцүү шүү. Оюутны байранд амьдарч байсан хүн бол харин хаа ч алзахгүй дээ.
Явж явж хамгийн сайхан жорлон бол байгаль юм дөө.. энд би замын хажуудах дэрс бутийг хэлээгүй шүү.
Эзгүй хээр талд наран мандахыг хараал эсвэл өндөр уулын оройд алсын бараа ширтээл суухад ч айдаа мөн.. гэснээс биднээс өмнөх манай өвөө эмээ нарын үед амсар дээрх үлдэгдлий нь яаж шуухан болгож байсийм болдоо..

Wednesday, February 20, 2008

Хэт олны бэрхшээл..

Ерөнхийдөө сонголт хийх бэрхшээлийн тухай юм. Хүнд өгөх бэлэг сонгохоор их дэлгүүр ороод хоосон гарах дөхөж байсийм. Урьдчилж төлөвлөгөөгүй болохоор тэр байх л даа. Харин цөөхөн зүйлээс сонголт хийхэд амархан. Тиймдээ ч хөдөөнийхөн эрт гэрлэдэг байх.
Харин хотынхны хувьд бэрхшээл үүснэ. Дэлгүүрийн бараа шиг нэг дор эргүүлж тойруулж харчаад дараагийнхыг үзэх боломж тэр бүр байхгүй. Яг надад таарах размер, загвар, өнгөтэйг нь хайсаар байтал нэг мэдэхэд дэлгүүр хаах болчихно. Дэлгүүрийн талд нь ч ороогүй байдаг.. Энд эмэгтэй хүнийг бараа мэт үздэг зарим эрчүүдийн хандлагаар бичээгүй юм шүү.
Сонгох зүйлээ урьдчилан тооцчихвол боломжгүй ихэнхи хувилбарууд хасагдаад амар болно.
Тэгвэл чухам надад л тохирох тэр хүнээ олох боломжоо тооцьё. Монгол 2 500 000 хүнтэй. Үүний тал нь эмэгтэй гэвэл 1 250 000 болно. Хүүхэд хөгшидийг хасаад наслалт жигд тархалттай гэвэл 20 -с 28 насных нь 150 000 орчим болно. Үүний 60% -нь гэрлэсэн болон найз залуутай гэвэл free нь 60 000 үлдэж байна.
Үүнээс царай муутай, дурлахад хэцүүгий нь 70% гэж бодоод хасчуул 18 000.
Одоо зөв сонголт хийх магадлалаа тооцвол 0,000056 болно. Боломжгүй юм бишүү?
Олон удаа сонголт хийвэл магадлал нэмэгдэх л байх.. Гэхдээ л миний мэдэрч буйг адилхан мэдэрч, байгаа байдал, бүхий л хэлбэрээрээ тултал ойлголцож, мөрөөдлүүд нь хамтын мөрөөдөл болж, жаргалдаа багтран гудамжинд инээд алдатлаа дурлалцах тэр ганц хүнийг хайж олно гээд бодохоор.. Би өөрөө тийм ховор хүн биш л дээ. Байдаг л нэг нийтлэг хүн боловч өөртөө бол ганц хувь..

Still breathing хэмээх нэгэн гоё кинон дээр заяаныхаа ханийг зүүдэндээ хардаг, энэ чадвар нь удамшдаг нэг залуугийн тухай гардаг юм. Түүний аав, өвөө бүгд эхнэрээ зүүдэндээ олж харсан бөгөөд зүүднийхээ дагуу эрэлд гаран түүнээ олцгоосон. Тэр залуу ч зөвхөн түүнд л тохирох, ганцхан байх бүсгүйгээ олохоор зүүдээ манана. Төгөлдөр хуур, ширээн дээр, бүтээлэг нөмрөөд.. Зүүд нь бүдэг бадаг.. Ганц formosa гэдэг үгийг сонсоно.. Мань мэт шиг хүмүүсийн мөрөөдлөөр бүтсэн кино байх л даа.

Хүмүүс "бие биенээ" олдогт би итгэдэг. Үүнийг нар сар шиг найзууд минь хангалттай батална. Итгэл алдрах ч болоогүй ээ. Би түүнийг хайж байгаа шиг тэр ч бас намайг хайж байгаа..